ટિપ્સ / ગ્રુપ બનાવ્યા વગર પણ ઘણા લોકોને મોકલી શકો છો Whatsapp મેસેજ, આ છે પ્રોસેસ

Whatsapp ની મેસેજિંગ સર્વિસ જેટલી સુવિધાજનક છે ક્યારેક ક્યારેક અલગ અલગ ગ્રુપ્સથી આવતા મેસેજ એટલા જ પરેશાન પણ કરે છે. એવું પણ થાય છે કે આપણે કોઇ ગ્રુપમાં મેસેજ મોકલવા ઇચ્છીએ છીએ પરંતુ આપણે એવું નથી ઇચ્છતા કે એ ગ્રુપના તમામ લોકો આ મેસેજ જોવે અને વ્યક્તિગત રીતે એક એક માણસને મેસેજ મોકલવો મુશ્કેલ હોય છે. એવી સ્થિતિમાં Whatsapp  માં એક ફીચર છે જેનો પ્રયોગ કરીને આપણે ઘણા બધા લોકોને મેસેજ મોકલી શકીએ છીએ. આવી રીતે તમે એક વખતમાં 256 યૂઝર્સને મેસેજ મોકલી શકો છો. એના માટે ફોલો કરો આ સ્ટેપ્સ. 

એન્ડ્રોઇડ પર 
તમારા ડિવાઇસમાં Whatsapp  ઓપન કરો અને એપમાં સૌથી ઉપર આપવામાં આવેલા ચેટ્સ ટેબ પર ક્લિક કરો. 
હવે મુખ્ય સ્ક્રીન પર જમણી અને સૌથી ખૂણમાં જોવા મળી રહેસા ત્રણ ડોટ્સ પર ટેપ કરો. 
હવે તમને Choose New Broadcast વિકલ્પ મળશે. 
ત્યારબાદ તમે જેને પણ લિસ્ટમાં સામેલ કરવા ઇચ્છો છો, એના નામો પર સિલેક્ટ કરો. 
તમામ નામ પસંદ કર્યા બાદ નીચે જમમી બાજુ આપવામાં આવેલા ગ્રીન ટિક પર ટેપ કરો, બસ તમારું લિસ્ટ તૈયાર છે. 
હવે તમે આ લિસ્ટ પર કોઇ પણ મેસેજ મોકલી શકો છો. 

iOS પર 
સૌથી પહેલા તમારા આઇફોનમાં વોટ્સએપ ખોલો. 
એપની મુખ્ય સ્ક્રીન પર નીચે આપેલા ચેટ્સ ટેબ પર ક્લિક કરો. 
ત્યારબાદ સૌથી ઉપર ડાબા ખૂણાંમાં આપવામાં આવેલા બ્રોડકાસ્ટ લિસ્ટ વિકલ્પ પર ટેપ કરો. 
નવા લિસ્ટને સિલેક્ટ કરો અને તમારા કૉન્ટેક્ટની સામે જોવા મળી રહેલા ચેકબૉક્સને માર્ક કરો. ત્યારબાદ તમારું લિસ્ટ તૈયાર થઇ જશે અને તમે દરેક લોકોને એક સાથે મેસેજ મોકલી શકશો.