ગાંધીનગરઃ મગફળીની ટેકાના ભાવે સરકાર દ્વારા ખરીદી માટે ઓનલાઈન રજિસ્ટ્રેશન કરાયું હતું. 30 નવેમ્બર આ રજિસ્ટ્રેશન કરવવાની છેલ્લી તારીખ હોવાથી આજથી હવે રજિસ્ટ્રેશન બંધ કરાયું છે. જે લોકોએ ઓનલાઈન દસ્તાવેજ જમા કરાવ્યા હશે તે ખેડૂતોને ઓનલાઈન નંબર મળી જશે.
મહત્વનું છે કે નાફેડ વતી રાજ્યની નોડલ એજન્સી દ્વારા ખરીદી કરી હતી ગુજરાત રાજ્ય નાગરિક પુરવઠા નિગમ દ્વારા મગફળીની ખરીદી કરાઇ હતી. 1 નવેમ્બરથી 30 નવેમ્બર સુધી ખેડૂતો ઓનલાઇન નોંધણી કરાવી મગફળીનું વેચાણ કર્યું હતું.
અત્રે ઉલ્લેખનીય છે કે એક મહિનામાં ટેકાના ભાવે મગફળીના વેચાણમાં અનેક દિવસો સુધી ખેડૂતોને હાલાકીનો સામનો કરવો પડ્યો હતો. મગફળીની ખરીદી ધીમી ચાલી હતી. લોકો ભાડે વાહન લઇ મગફળીનું વેચાણ કરવા આવેલ હતા તેમની મગફળી કેટલાક દિવસો સુધી વેચાઇ ન હોતી.
તો નાફેડ દ્વારા મગફળીની ખરીદીનો ઇન્કાર કરાતા અધિકારીઓ હાજર રહ્યા ન હતા. જેને લઇને ખેડૂતોને તકલીફોનો સામનો કરવો પડ્યો હતો. બીજી બાજુ સરકારના 24/10 પરિપત્ર મુજબ એક ગુણીમાં 30 કિલો લેવાની હોય જેના બદલે ખરીદ કેન્દ્ર પર ફરજિયાત 35 કિલો મગફળી લેવાતા ખેડૂતો વિફર્યા હતા. ત્યાર બાદ રાજ્ય સરકાર દ્વારા એક ગુણીમાં 30 કિલો લેવાના નિર્દેશ કર્યા હતા.