નવી દિલ્હી: દેશની 3 મોટી બેંક ઓફ ઇન્ડિયા ICICI અને HDFC એ પોતાના વ્યાજ દરમાં વધારો કર્યો છે. SBI એ વ્યાજ દરમાં 0.5 ટકા તો ICICI એ 0.10 ટકા અને HDFC એ હોમ લોન પર 0.10 ટકાનો વધારો કર્યો છે. બેંકોએ વ્યાજ દરોમાં વધારો ભારતીય રિઝર્વ બેંકની નાણાંકીય નીતિ સમીક્ષા પહેલા કરી છે.
બેંકોના વ્યાજ દર વધારવાથી હોમ ઓટો અને અન્ય લોન પર ગ્રાહકોની EMI વધી જશે. જણાવી દઇએ કે ઓગસ્ટમાં RBI ની નાણાંકીય નીતિ સમીક્ષાના તરત બાદ HDFC એ હોમ લોન પર પોતાના વ્યાજ દરોમાં 20 આધાર અંકોનો વધારો કર્યો હતો. ચોથી દ્વિમાસીક મોદ્રિક નીતિ પર નિર્ણય લેવા માટે મોદ્રિક નીતિ સમિતિ 3 ઓક્ટોબરથી પોતાની 3 દિવસીય બેઠક શરૂ કરશે.
તો બીજી બાજુ RBI નાણાકીય નીતિ સમીક્ષામાં રેપો રેટમાં 25 આધાર અંક એટલે કે 0.25 ટકાના વધારો કરી શકે છે. કારણ કે મોંઘુ કાચું તેલ તથા ડોલરની સરખામણી રૂપિયાની નબળાઇથી મોંધવારી વધારે વધે એવી આશા છે.