બ્લેક ફંગસની સારવાર માટે વપરાતા ઇન્જેકશન હવે ઓછા ભાવમાં સોમવારથી મળતા થઈ જશે
બ્લેક ફંગસના ઉપચાર માટે વપરાતા ઇન્જેકશનને લઈને ઘણા રાહતના સમાચાર
મહારાષ્ટ્રની એક બીજી કંપનીને આ ઇન્જેકશન બનાવવા માટેની મંજૂરી આપી
માત્ર 1200 રૂપિયામાં મળશે આ ઇન્જેકશન
બ્લેક ફંગસના ઉપચાર માટે વપરાતા ઇન્જેકશનને લઈને ઘણા રાહતના સમાચાર
બ્લેક ફંગસના ઉપચાર માટે વપરાતા ઇન્જેકશનને લઈને ઘણા રાહતના સમાચાર આવ્યા છે, હાલમાં બજારમાં મળતા 7000 રૂપિયા વાળા ઇન્જેકશન હવે માત્ર 1200 રૂપિયમાં મળશે. અત્યાર સુધી આ ઇન્જેકશન માત્ર ભારતની એક જ કંપનીમાં થતું હતું પણ કેન્દ્રીય મંત્રી નીતિન ગડકરીએ ઘણા પ્રયત્નો કરી મહારાષ્ટ્રની એક બીજી કંપનીને આ ઇન્જેકશન બનાવવા માટેની મંજૂરી આપી છે અને તેની કિમંત પણ ઘણી ઓછી છે. સોમવારથી આ ઇન્જેકશનનું વિતરણ થવા જઈ રહ્યું છે.
મહારાષ્ટ્રની એક બીજી કંપનીને આ ઇન્જેકશન બનાવવા માટેની મંજૂરી આપી
કેન્દ્રીય મંત્રી નીતિન ગડકરીએ ઘણા પ્રયાસો બાદ જેનટેક લાઈફ સાયન્સને બ્લેક ફંગસના સારવાર માટે ઉપયોગમાં લેવાતું Amphotericin B Emulsion ઇન્જેકશન તૈયાર કર્યું છે. અત્યાર સુધી ભારતમાં માત્ર એક જ કંપની એવી હતી જે આ ઇન્જેકશન બનાવતી હતી પણ હવે આ બીજી કંપની પણ ઇન્જેકશનનું પ્રોડક્શન વધારશે અને લગભગ રોજ 20000 ઇન્જેક્શનો બનાવશે.
ગુજરાતમાં બ્લેક ફંગસ
રાજ્યોને વધુ એમ્ફોટેરિસિન-બી ઇન્જેક્શન ફળવાયા છે. કેન્દ્ર સરકારે વધુ 29,250 વાઇલ્સ રાજ્યોને ફાળવ્યા છે. રાજ્યોમાં મ્યુકર્માઈકોસિસના દર્દીના આધારે ફાળવણી કરાઈ રહી છે. હાલ દેશમાં મ્યુકર્માઈકોસિસના કુલ 11,717 દર્દીઓ હોવાની માહિતી સામે આવી છે. ગુજરાતને 7200થી વધુ એમ્ફોટેરિસિન-બીના વાઇલ્સ મળ્યા છે. ગુજરાતમાં 25મે સુધીમાં મ્યુકર્માઈકોસિસના 2859 કેસ હોવાની માહિતી છે. અમદાવાદ સિવિલ હોસ્પિટલમાં મ્યુકર્માઈકોસિસના ઈન્જેકશન વિતરણની કામગીરી શરૂ કરી દેવામાં આવી છે. ઈન્જેકશન દર્દીઓને આપવામાં આવશે નહીં. ઈન્જેકશન માટે જે તે દર્દીઓની હોસ્પિટલ દ્વારા સિવિલ હોસ્પિટલમાં ઈ-મેલ કરવો પડશે. આ ઈ-મેલમાં દર્દીઓના જરૂરી દસ્તાવેજ આપવાના રહેશે. આ ઈ-મેલ હોસ્પિટલના સત્તાવાર ઈ-મેલ પર સવારના 9થી 12 વચ્ચે કરી શકાશે બાદમાં બપોરે 3 વાગ્યાથી લઈને 5 વાગ્યા દરમિયાન જરૂરી ચકાસણી કર્યા બાદ ઈન્જેકશનની ફાળવણી કરવામાં આવશે.