સુવિધા / આ તો જબરું કર્યું! હવે રેલવે સ્ટેશન પરથી બનાવી શકાશે આધાર અને પાન કાર્ડ, જાણો કઈ રીતે

• હવે રેલવે સ્ટેશનો પર પણ બનાવો પાન કાર્ડ, આધાર કાર્ડ
• રેલવેના પ્રવાસીઓને અનેક સુવિધાનો મળશે લાભ
• રેલટેલ હવે રેલવાયર ભાગીદાર કિયોસ્ક લગાવશે

રેલવે સ્ટેશનો પર પાન કાર્ડ, આધાર કાર્ડ બનશે

પૂર્વોત્તર રેલવેના બે સ્ટેશનો પર આ સુવિધા શરૂ થઇ ગઇ છે. ગોરખપુર સહિત અન્ય મુખ્ય સ્ટેશનો પર પણ ટૂંક સમયમાં આ સુવિધા મળશે. રેલટેલ આખા દેશમાં 200 રેલવે સ્ટેશનો પર કોમન સર્વિસ સેન્ટર કિયોસ્ક લગાવી રહી છે. પ્રથમ તબક્કામાં પૂર્વોત્તર રેલવેના બે સ્ટેશનો વારાણસી સિટી અને પ્રયાગરાજ રામબાગ પર રેલવાયર સાથી કિયોસ્ક લગાવવામાં આવ્યાં છે. બીજા તબક્કામાં ગોરખપુર સહિત અન્ય ઘણા મુખ્ય સ્ટેશનો પર આ સુવિધા શરૂ કરવાની તૈયારી છે. જેના માટે સ્ટેશનો પસંદ કરવામાં આવ્યાં છે. યાત્રી રેલવાયર સાથી કિયોસ્કના માધ્યમથી આધારની અરજી પણ ભરી લેશે અને ત્યાં સુધી કે ટેક્સ ફાઈલ કરવાની પણ સુવિધા મળશે. 

આ સુવિધાઓ મળશે 

સેવાઓમાં યાત્રા ટિકિટ (ટ્રેન, હવાઈ, બસ વગેરે), આધાર કાર્ડ, ઈલેક્શન કાર્ડ, મોબાઈલ ફોન રિચાર્જ, વિજળી બિલ ચૂકવણી, પાન કાર્ડ, આવકવેરા, બેન્કિંગ, વીમા અને ગણી અન્ય સર્વિસ સામેલ છે. ઉત્તર પૂર્વ રેલવેના મુખ્ય જનસંપર્ક અધિકારી પંકજ કુમાર સિંહે કહ્યું કે રેલટેલે પાયલોટ પ્રોજેક્ટ હેઠળ રેલ વાયર સાથી કિયોસ્ક બે સ્ટેશનો પર લગાવ્યાં છે. આગામી સમયમાં અન્ય સ્ટેશનો પર પણ લગાવવાની યોજના છે. જેના માધ્યમથી રેલવેના ગ્રાહકોને વિજળી બિલની ચૂકવણી, મોબાઈલ રિચાર્જ, આધાર અને પાન કાર્ડ માટે ફોર્મ ભરવુ વગેરેની સુવિધા રેલવે સ્ટેશનો પર મળશે.