દૂરસંચાર વિભાગ (ડીઓટી)એ ભારતી એરટેલ ગ્રુપની કંપની ઇડો ટેલીપોર્ટ્સ લિમિટેડને સેટેલાઇટ સિસ્ટમથી દરિયાઇ યાત્રાઓ અને ઘરેલૂ અને આંતરરાષ્ટ્રીય વિમાનોમાં ઉડાણ દરમિયાન કૉલિંગ અને બ્રૉડબેન્ડ સર્વિસ માટે 10 વર્ષનું લાયસન્સ આપ્યું છે. એનાથી ટેલિકોમન કંપની યૂઝર્સ ફ્લાઇટ દરમિયાન પણ કૉલિંગ કરી શકશે અને ઇન્ટરનેટનો ઉપયોગ કરી શકશે.
ઇન્ડો ટેલીપોર્ટ્સ, ટીવી બ્રૉડકૉસ્ટર માટે હબ તૈયાર કરે છે અને એને ઑપરેટ કરે છે. એનાથી એ પોતાની ચેનલના પ્રસારણ માટે સેટેલાઇટને સિગ્નલ મોકલી શકે છે. ઇન્ડો ટેલી પોર્ટ્સને પહેલી વખત 2008માં ભારતી ટેલીપોર્ટ્સ લિમિટેડના નામથી લૉન્ચ કરવામાં આવ્યું છે. ભારતી એરટેલના એક અધિકારીએ જણાવ્યું, 'ઉડાણ દરમિયાન કૉલિંગ અને ડેટા સર્વિસ પૂરી પાડવી, કંપની માટે આવકના નવા દરવાજા ખુલશે. ખાસ કરીને એવા સમયે જ્યારે ડેટા કંઝ્મપ્શનમાં ભારે વધારો જોવા મળી રહ્યો છે.'
વાસ્તવમાં મોબાઇલ કમ્યુનિકેશન સર્વિસ ઑન બોર્ડ એરક્રાફ્ટ નામની ખાસ ટેકનીકની મદદથી વિમાનમાં મોબાઇલથી કૉલ કરવા અથવા ડેટા ઉપયોગ કરવો સરળ થઇ ગયો છે. દુનિયાની 30 ઉચ્ચ એરલાયન્સ એની મદદથી પોતાના પેસેન્જર્સને કૉલ અને નેટની સુવિધા આપવા લાગી છે. ટ્રાઇએ કહ્યું કે ઉડાણમાં વાઇફાઇ દ્વારા ઇન્ટરનેટ સેવા ત્યારે પણ આપવી જોઇએ, જ્યારે ઇલેક્ટ્રૉનિક ડિવાઇસ ફ્લાઇટ મોડ પર હોય.
લાયસન્સની મદદથી કંપની દરિયાઇ જહાજો પર પણ કોલિંગ અને ઇન્ટરનેટ સર્વિસ પૂરી પડાશે. જો કે શરૂઆતમાં એનું માત્ર વિમાનો પર ફોકસ કરવાની શક્યતા છે.