બિઝનેસ / હવે એરલાઇન્સ ફિલ્ડ પર ટાટાની નજર, આ કંપનીમાં ખરીદી 32.67 ટકા ભાગીદારી 

• ટાટા ગ્રુપે એર એશિયામાં ખરીદી ભાગીદારી 
• 32.67 ટકા ભાગીદારી ખરીદતા કુલ ભાગીદારી વધીને 83.67 થઈ ગઈ 
• એર ઈન્ડિયાને ખરીદવામાં પણ ટાટા ગ્રુપ રેસમાં છે  

એર એશિયા એ મલેશિયાની કંપની છે જે તેના ભારતીય સાહસમાંથી બહાર નીકળવા માંગે છે, અને તેણે હવે ટાટા સન્સને 32.67 ટકા ભાગીદારી વેચી છે. આ રીતે, એર એશિયામાં ટાટા સન્સનો હિસ્સો 51 ટકાથી વધીને 83.67 ટકા થઈ જશે. 

ટાટાની ભાગીદારી વધીને 83.67 ટકા થઈ જશે 

આ સોદા પછી, એર એશિયા ઇન્ડિયામાં એર એશિયા બેરહાદનો હિસ્સો હવે માત્ર 16.33% છે. કંપનીએ ફાઇલિંગમાં આ સોદા વિશે મલેશિયન સ્ટોક એક્સચેંજને માહિતી આપી હતી. કંપની બાકીના હિસ્સામાંથી પણ બહાર નીકળવાની યોજના ધરાવે છે.

હિસ્સો વેચતા પહેલા એર એશિયા ઇન્ડિયામાં એરએશિયા બેરહાદનો 49 ટકા હિસ્સો હતો અને ટાટા સન્સની તેમાં 51 ટકા ભાગીદારી હતી. એર એશિયા બેરહાદ  તેની બાકીની 16.33 ટકા હિસ્સો વેચવા માટે બે તબક્કામાં પુટ વિકલ્પ લાવશે. એર એશિયા બરહાદને તેના બાકીના 16.33% હિસ્સામાંથી $ 18.83 મિલિયન અથવા રૂ. 138.27 કરોડ પ્રાપ્ત થશે.

ટાટાને શું ફાયદો છે ?

એર એશિયાના કારોબાર પર નજર નાખીએ તો જૂન ક્વાર્ટરમાં કંપનીને 332 કરોડ રૂપિયાનું નુકસાન થયું હતું. નુકસાનને કારણે, એર એશિયા બેરહાદે ભારતમાં પોતાનો વ્યવસાય બંધ કરવાનો નિર્ણય કર્યો. છેલ્લાં 6 વર્ષથી કંપનીએ કોઈ નફો કર્યો નથી. એર એશિયામાં હાલમાં 2,500 કર્મચારી છે, જેમાંથી 600 પાઇલટ છે. જેની સામે એર એશિયામાં હિસ્સેદારી વધતાં ટાટા ગ્રૂપનો એરલાઇન્સના ક્ષેત્રે પણ વિસ્તાર થશે. 

એર એશિયામાં હિસ્સો વધારવાની સાથે સાથે ટાટા જૂથનો એશિયન બજારોમાં એરલાઇન્સનો વ્યવસાય પણ વધી રહ્યો છે. તો પણ, ટાટા જૂથ એરલાઇન્સના વ્યવસાય સાથે ભાવનાત્મક રીતે જોડાયેલ છે. એટલું જ નહીં, કંપની એર ઈન્ડિયાને ખરીદવાની પણ રેસમાં છે.