વડોદરા / હવે આટલું મોંઘું પડશે વાહન ચલાવવું, વડોદરામાં CNG ગેસમાં 6.50 રુપિયાનો તોતિંગ ભાવ વધારો

• વડોદરામાં CNG ગેસમાં તોતિંગ વધારો
• ગેસ લિમિટેડે 6.50 રૂપિયાનો તોતિગ વધારો કર્યો.
• ગેસ કંપનીનો નવો 53.50થી વધી 60 રૂપિયા પર પહોંચ્યો

કોરોના કાળ બાદ દિવસે દિવસે મોંઘવારી માજા મુકી રહી છે ત્યારે ઈધણના વધાતા ભાવને લઈને શહેરીજનો ચિંતા વધી ગઈ છે, વડોદરામાં ગેસ કંપનીઓ દ્વારા ગેસમાં તોતિંગ ભાવ વધારો કરતા સામાન્ય માણસોના જીવ અધ્ધર થઈ ગયા છે. વડોદરા ગેસ લિમિટેડે ગેસમાં 6.50 પૈસાનો વધારો કરતા હવે ગેસના ભાવ 60 રૂપિયા સુધી પહોંચી ગયો છે.  

ઈંધણના ભાવ વધતા વાહન ચાલકોમાં રોષ 

એક તરફ પેટ્રોલ ડીઝલના ભાવ આકાશને આંબી રહ્યા છે ત્યારે બીજી તરફ હવે CNG ભાવમાં પણ ધરખમ વધારો જોવા મળી રહ્યો છે. અદાણી CNGના ભાવમાં 2.56 રૂપિયાનો વધારો કર્યો છે જેને કારણે CNGના પ્રતિ કિલીએ 58.86 રૂપિયા મોંઘુ બન્યું હતું તો બીજી તરફ હવે પેટ્રોલ ડીઝલના ભાવ પણ 100 રુપિયાને નજીક પહોંચી રહ્યા છે.  

અમદાવાદમાં પેટ્રોલનો ભાવ 100ની નજીક

અમદાવાદ શહેરમાં પેટ્રોલનો ભાવ 99.15 રૂપિયા જ્યારે ડીઝલ  97.76 રૂપિયા પ્રતિલિટરે પહોંચી ગયો છે. મોંઘાવારીને મારને લીધી શહેરીજનો પહેલાથી જ હેરાન પરેશાન છે ત્યારે વધતા ઈંધણની ભાવોએ શહેરીજનોની ચિંતા વધારી દીધી છે. 

અન્ય શહેરમાં પણ પેટ્રોલના ભાવ 100 રૂપિયાની નજીક

ભાવનગરમાં 100 રૂપિયા પેટ્રોલ મોંઘું થયા બાદ હવે અમદાવાદ સહિતને વડોદરા, રાજકોટમાં પણ હવે પેટ્રોલ ડીઝલના ભાવ 100નો આંકડો વટાવે તેવું લાગી રહ્યું છે. વડોદરામાં પેટ્રોલ  98.85 રૂપિયા અને ડીઝલ  97.46 રૂપિયા મોંઘુ મળી રહ્યું છે જ્યારે રાજકોટમાં પેટ્રોલ  98.97 રૂપિયાઅને ડીઝલ  97.60 રૂપિયા પ્રતિ લિટર થતા જતા વાહન ચાલકો મુશ્કેલીમાં મુકાયા છે. આમ વધતા ઈંધણના ભાવને કારણે સામાન્ય માણસનું  બજેટ ખોરવાતા ભારે હાલાકીનો સામનો કરવોના વારો આવ્યો છે.