નવા લેબર કોડના ફેરફારોએ સંગઠિત ક્ષેત્રમાં કામ કરનારા નોકરી કરનારાને રાહત આપી છે. ગ્રેચ્યુઈટીને લઈને 5 વર્ષના સમયને નવી રીતે સેટ કરાયો છે. હવે કોન્ટ્રાક્ટ પર કામ કરનારા કર્મચારીઓને પણ ગ્રેચ્યુઈટીનો ફાયદો મળશે.
નવા લેબર કોડમાં આવ્યા છે ફેરફાર
કોન્ટ્રાક્ટ પર કામ કરનારા કર્મચારીઓને પણ મળશે ગ્રેચ્યુઈટી
ગ્રેચ્યુઈટીના 5 વર્ષના સમયને કરાયો નવી રીતે સેટ
પાંચ વર્ષની જગ્યાએ 1 વર્ષની નોકરી કરનારા પણ હવે ગ્રેચ્યુઈટી લઈ શકશે. કોન્ટ્રાક્ટ પર નોકરીના વધતા ચલણને ધ્યાનમાં રાખીને આ ફેરફાર કરાયા છે. પાંચ વર્ષ પહેલાં નોકરી છોડવા કે તેમાંથી કાઢી મૂકવામાં આવશે તો પણ તમને ગ્રેચ્યુઈટીનો ફાયદો મળશે.
સરકારે કોન્ટ્રાક્ટ કર્મચારીઓ માટે કરી છે આ વ્યવસ્થા
સરકારે નિશ્ચિત સમયના કર્મચારીઓ માટે એટલે કે કોન્ટ્રાક્ટ પર નોતરી કરનારા માટે આ વ્યવસ્થા કરી છે. જો કોઈ કોન્ટ્રાક્ટ પર કોઈ કંપની સાથે એક વર્ષ સુધી ફિક્સ્ડ ટર્મની સાથે કામ કરે છે તો તેને ગ્રેચ્યુઈટી મળે છે. કોન્ટ્રાક્ટ પર કામ કરનારા કર્મચારીઓને એક નિયમિત કર્મચારીની જેમ સામાજિક સુરક્ષાનો અધિકાર અપાયો છે. આ સિવાય સીઝનલ કંપનીઓમાં કામ કરનારા લોકોને પણ તેનો ફાયદો મળશે.
શું હોય છે ગ્રેચ્યુઈટી
ગ્રેચ્યુઈટી સેલેરીનો એ ભાગ હોય છે જે એમ્પલોયર તમારી વર્ષોની સેવાઓના બદલે આપે છે. લેબર કોડના નવા નિયમની મદદથી શ્રમિકોના હિતમાં મોટો ફેરફાર થશે. તેનાથી દેશના કરોડો શ્રમિકોને પણ ફાયદો મળશે.
હાલના સમયમાં 5 વર્ષની નોકરી પૂરી કર્યા બાદ 15 દિવસના પગારના આધારે ગ્રેચ્યુઈટી નક્કી કરાય છે. કર્મચારીઓને વહેલી નોકરી બદલી દેવાના કારણે પાંચ વર્ષથી વહેલી ગ્રેચ્યુઈટી આપવાની જરૂરિયાત સર્જાઈ રહી છે.