પ્રતિબંધ / હવે મસ્તી પડી જશે મોંઘી! આ દેશે સેક્સને લઈને બનાવ્યો એવો નિયમ કે દૂર ભાગવા લાગ્યા પ્રવાસીઓ

• ઈન્ડોનેશિયાના રાષ્ટ્રપતિએ સપ્તાહની શરૂઆતમાં જ નવા સુધારાને મંજૂરી આપી
• આ કોડ પ્રવાસીઓની સાથે-સાથે દેશના નાગરિકો અને વિદેશી નાગરિકોને લાગુ પડશે
• અપરણીત યુગલો વચ્ચે સેક્સ પર પ્રતિબંધનાં નવા કાયદાને ઈન્ડોનેશિયામાં મંજૂરી

 ઈન્ડોનેશિયાની સરકારે સેક્સને લઈને એવો કાયદો લાગુ કર્યો છે કે પ્રવાસીઓ હવે ત્યાં જતા ડરી રહ્યા છે. ઈન્ડોનેશિયામાં એક નવો ક્રિમિનલ કોડ અમલમાં આવ્યો છે, જે અંતર્ગત અપરણીત યુગલો વચ્ચે સેક્સ પર પ્રતિબંધ મુકવામાં આવ્યો છે. દેશનો પ્રવાસી ઉદ્યોગ આ કોડ સામે સખત વાંધો ઉઠાવી રહ્યો છે. તેની સરખામણી સંસ્થાનવાદી યુગના દંડ સંહિતા સાથે કરવામાં આવી રહી છે.પ્રવાસન ઉદ્યોગ સાથે જોડાયેલા લોકોને ચિંતા છે કે નવા કોડને કારણે હવે પ્રવાસીઓ ઈન્ડોનેશિયા તરફ મોં ફેરવી શકે છે.

ઈન્ડોનેશિયાના રાષ્ટ્રપતિ જોકો વિડોડોએ આ સપ્તાહની શરૂઆતમાં નવા સુધારાને મંજૂરી આપી હતી. આ કોડ પ્રવાસીઓની સાથે-સાથે દેશના નાગરિકો અને વિદેશીઓને પણ લાગુ પડશે. આનું ઉલ્લંઘન કરવા પર 1 વર્ષની જેલ અથવા ભારે દંડ થઈ શકે છે. એટલું જ નહીં, નવો કાયદો અપરિણીત યુગલોને સાથે રહેવા પર પણ રોક લગાવે છે. આ નવા કોડનો અમલ પણ શરૂ થઈ ગયો છે, જે અંતર્ગત લગ્ર કર્યા વગર સેક્સ ને લઈને હોટલ પર દરોડા પાડવામાં આવ્યા હતા.

'પ્રવાસીઓ આવવા માગશે નહીં અને રોકાણકારો પણ ભાગી જશે'
નવા ક્રિમિનલ કોડના કારણે પ્રવાસન ક્ષેત્ર સાથે સંકળાયેલા લોકો પણ રોકાણકારો દૂર જતા ચિંતામાં છે. એવી આશંકા છે કે તેના કારણે ઇન્ડોનેશિયા આવતા પ્રવાસીઓની સંખ્યામાં ભારે ઘટાડો થઈ શકે છે.આવી સ્થિતિમાં રોકાણકારો પણ ભાગવા લાગશે. તેમની દલીલ એવી પણ છે કે કોરોના વાયરસ રોગચાળા દરમિયાન લાદવામાં આવેલા નિયંત્રણો દરમિયાન પ્રવાસન ઉદ્યોગને ઘણું નુકસાન થયું છે. હવે જ્યારે આ સેક્ટર ફરીથી તૈયાર થઈ રહ્યું છે ત્યારે આવો કાયદો લાગુ કરવામાં આવી રહ્યો છે જેથી પ્રવાસીઓ અહીં આવવાનું ટાળે.દેશની અર્થવ્યવસ્થા માટે આ સ્થિતિ યોગ્ય રહેશે નહીં.

નેશનલ ટૂરિઝમ બોર્ડે નવા કોડને સંપૂર્ણપણે વિપરીત ગણાવ્યો
ઈન્ડોનેશિયાના નેશનલ ટૂરિઝમ બોર્ડે નવા કોડને સંપૂર્ણપણે વિપરીત ગણાવ્યો છે. "ખાસ કરીને યુરોપીયન દેશોમાં, ઘણા લોકો લગ્ન વિના સાથે રહે છે અને બાળકો પણ છે," એસોસિએશન ઓફ ઇન્ડોનેશિયન ટૂર એન્ડ ટ્રાવેલ એજન્સી બાલીના પ્રમુખ આઇ પુટુ વિનાસ્ત્રાએ જણાવ્યું હતું.આપણે તેમની ગોપનીયતાનું રક્ષણ કરવું જોઈએ.પરંતુ આ કોડ સંપૂર્ણપણે તેની વિરુદ્ધ છે. અમારી માંગ છે કે સરકાર અમને આની જરૂરિયાત સમજાવે.આ સાથે અન્ય દેશોના લોકો પણ તેનું મહત્વ જાણવા માંગશે.