શહેરની પોસ્ટ ઓફિસોમાં ટ્રાફિક દંડ, ઈ -મેમો રકમ ભરી શકાશે. એ દિવસો હવે દૂર નહીં હોય. આગામી ટૂંક સમયમાં જ હવે ટેલિફોન બિલ,ગેસ બિલની જેમ જ ઈ -મેમોની રકમ ભરી શકાય તેવી વ્યવસ્થા ઊભી કરવામાં આવી રહી રહી છે. તેના માટે ટ્રાફિક પોલીસ વિભાગ અને પોસ્ટ ઓફિસ વચ્ચે સંકલન થશે અને આ સુવિધા અમદાવાદના રહીશોને નવા વર્ષથી મળવાની શરૂઆત થાય તેવી પૂરી શક્યતા છે.
ટ્રાફિક પોલીસ વિભાગ અને પોસ્ટ ઓફિસ વચ્ચે સંકલન થશે
ઈ-મેમોનો દંડ નવા વર્ષથી પોસ્ટ ઓફિસમાં પણ ભરી શકાશે
સબ પોસ્ટ ઓફિસમાં આ સુવિધા શરૂ કરાશે
અત્યારે પોસ્ટ ઓફિસમાં ગેસ બિલ અને ટેલિફોન સહિતનાં બિલો ભરવાની સુવિધા ઉપલબ્ધ છે. હવે આ સુવિધામાં એક ઉમેરો થશે.શરૂઆતના તબક્કે જે તે વિસ્તારની એક એવી મુખ્ય પોસ્ટ ઓફિસમાં આ સુવિધા શરૂ થશે. ત્યારબાદ ધીરે ધીરે અન્ય સબ પોસ્ટ ઓફિસમાં આ સુવિધા શરૂ કરાશે એટલું જ નહીં હાલમાં મહાનગર વિસ્તારોની પોસ્ટ ઓફિસ ત્યાર બાદ ગ્રામ્ય કક્ષાની
પોસ્ટ ઓફિસમાં આ સેવા સાંકળી લેવાશે.
આ સુવિધા માટે ટ્રાફિક પોલીસ વિભાગ અને પોસ્ટ ઓફિસ વચ્ચે સંકલન અને ત્યારબાદ એમઓયુ કરવામાં આવશે. જાન્યુઆરીમાં આ માટે પાઈલટ પ્રોજેક્ટ શરૂ કરાશે જેના માટે રાજકોટની પસંદગી થઈ શકે છે. ત્યાર બાદ અમદાવાદ, સુરત,વડોદરા, ભાવનગર જૂનાગઢ, ગાંધીનગર અને જામનગર વગેરે સ્થળોએ સુવિધા શરૂ કરાશે.