છેલ્લા ઘણા સમયથી બોલીવૂડના સુપરસ્ટાર હૃતિક રોશન અને સબા આઝાદને ડેટ કરવાની અફવાઓએ જોર પકડ્યું હતું. જો કે હવે લાગે છે કે બંને પોતાના રિલેશનને જગ જાહેર કરવા માંગે છે.
સબા આઝાદ અને હૃતિક રોશન વચે કનેક્શન
સોશિયલ મીડિયામાં બને વચ્ચે બની રહી છે કેમેસ્ટ્રી
આ પહેલાં બંને એક ડીનર ડેટ ઉપર પણ જોવા મળ્યા
સબા આઝાદનું મિનિમમ મુવી જૂનમાં આવી રહ્યું છે
સબા આઝાદે હાલમાં જ હૃતિક રોશન સાથેના સંબંધોની જાહેરાત કરી હતી. સબાએ ગુરુવારે પોતાના ઓફિશિયલ ઇન્સ્ટાગ્રામ એકાઉન્ટ પર પોતાના આગામી પ્રોજેક્ટની જાહેરાત કરી હતી, જેના પર સૌથી પહેલા રિતિક રોશને પ્રતિક્રિયા આપી હતી. સબાએ ઇન્સ્ટાગ્રામ પર એક પોસ્ટર શેર કર્યું છે અને લખ્યું છે, My next with these gems - in @variety !! સબા આઝાદ, નમિત દાસ, ગીતાંજલિ કુલકર્ણી, રુમાના મોલ્લા 'મિનિમમ' માં ચમકશે. તમને જણાવી દઈએ કે સબાની આ ફિલ્મ આવતા મહિને એટલે કે જૂન 2022માં રિલીઝ થશે.
સબાના પોસ્ટર પર રિતિક રોશને આપી પ્રતિક્રિયા
સબા આઝાદની ફિલ્મના પોસ્ટર પર પ્રતિક્રિયા આપતા હૃતિક રોશને લખ્યું હતું કે, '' HeHe You gonna kill this! Oui? Oui! ". અભિનેતાને જવાબ આપતા સબાએ લખ્યું હતું કે 'Mon amour (માય લવ)'. તમને જણાવી દઈએ કે રિતિક રોશન અને સબા વચ્ચે અફેરની ખબર ત્યારથી આવી રહી છે જ્યારથી તે મુંબઈમાં ડિનર ડેટ પર જોવા મળ્યો હતો. રિતિક રોશને અગાઉ 2000 માં ઇન્ટિરિયર ડિઝાઇનર સુઝાન ખાન સાથે લગ્ન કર્યા હતા. બંનેએ 2014 માં છૂટાછેડા લીધા હતા અને અલગ થવાનો નિર્ણય કર્યો હતો. અલગ થયા બાદ હૃતિક અને સુઝૈન ખાન પોતાના બંને બાળકોનું સાથે મળીને ધ્યાન રાખે છે.
શું સબા અને રિતિકે તેમના સંબંધોને સત્તાવાર બનાવ્યા છે?
તમને જણાવી દઈએ કે, હૃતિક રોશનની પૂર્વ પત્ની સુઝાન ખાને હાલમાં જ અર્સલન ગોની સાથે પોતાના સંબંધોને ઓફિશિયલ જાહેરાત કરી દીધી છે. થોડા સમય પહેલા બંને ગોવામાં પાર્ટી કરતા જોવા મળ્યા હતા. સાથે જ હવે એવું લાગી રહ્યું છે કે હૃતિક રોશન પણ પોતાના જીવનમાં આગળ વધી ચુક્યો છે. તે સબા આઝાદને તેના જીવનનો એક ભાગ બનાવવા માંગે છે. રિતિક રોશન અને સબા આઝાદની તસવીરો સોશિયલ મીડિયા પર ઘણી વખત વાયરલ થઇ ચૂકી છે. અગાઉ રિતિક અને સબાની એક સેલ્ફીએ ઇન્ટરનેટ પર ધમાલ મચાવી હતી.