નવું ફિચર / હવે Google આસિસ્ટન્ટ અંગ્રેજી સિવાય વિશ્વની 40 ભાષાઓમાં તમારી વાત સાંભળશે અને કામ કરશે

• Google આસિસ્ટન્ટ અંગ્રેજી સિવાય વિશ્વની 40 ભાષાઓમાં તમારી વાત સાંભળશે અને કામ કરશે
• ગૂગલે તેના વર્ચુઅલ અથવા વોઇસ આસિસ્ટન્ટ માટે ઇન્ટરપ્રિટર મોડ રજૂ કર્યો 
• ઇન્ટરપ્રિટર મોડ રીઅલ ટાઇમમાં 40 ભાષાઓમાં ભાષાંતર કરી શકે છે

આ ફિચર મળે તે પછી  યુઝર્સ કોઈપણ ભાષાનો ઇચ્છિત ભાષામાં અનુવાદ કરી શકશે

ગૂગલ આસિસ્ટન્ટનો ઇન્ટરપ્રિટર મોડ અપડેટ તબક્કાવાર ગૂગલ હોમ સ્પીકર, અન્ય કંપનીના સ્માર્ટ સ્પીકર અને સ્માર્ટ ડિસ્પ્લે માટે રેલઆઉટ કરવામાં આવી રહ્યું છે. ઇન્ટરપ્રિટર મોડ રીઅલ ટાઇમમાં 40 ભાષાઓમાં ભાષાંતર કરી શકે છે. તેનું અપડેટ આઇઓએસ અને એન્ડ્રોઇડના કેટલાક ડિવાઇસમાં ઉપલબ્ધ છે. આ ફિચર મળે તે પછી  યુઝર્સ કોઈપણ ભાષાનો ઇચ્છિત ભાષામાં અનુવાદ કરી શકશે.

ઉદાહરણ તરીકે, જો તમે તમારા ગૂગલ આસિસ્ટન્ટને વોઇસ કમાન્ડ આપો કે  હે ગૂગલ બી માય જર્મન ટ્રાન્સલેટર અથવા હે ગૂગલ હેલ્પ મી સ્પીક સ્પેનિશ, તો નીચે તમને તરત જ ટ્રાન્લેશન મળી જશે. ગૂગલ આસિસ્ટન્ટ તમને સ્માર્ટ રિપ્લાયનો ઓપ્શન પણ આપશે. દરેક ટ્રાન્સલેશન પછી સ્માર્ટ રિપ્લાયનો ઓપ્શન આવશે. ગૂગલ આસિસ્ટન્ટમાં તમને કીબોર્ડ મોડ પણ મળશે. એટલે કે, તમે ટાઇપ કરીને પણ ટ્રાન્સલેશન કરી શકો છો. ગૂગલ ટ્રાન્સલેટમાં પણ આ જ સુવિધા મળે છે. તમારા મોબાઇલ કે ડિવાઇસમાં આ ફિચર ન આવ્યું હોય તો ચિંતા કરશો નહીં. તમામને  ટૂંક સમયમાં અપડેટ મળશે.