કોઈ મીટિંગ કે પ્રવચન દમિયાન વકતા જે બોલે તે મોબાઇલમાં ટાઇપ કરવાનું મુશ્કેલ થઈ શકે છે. આવા સંજોગોમાં ડિકટાફોન અને વોઇસ રેકોર્ડિંગ એપ્લિકેશન ઉપયોગમાં આવે છે. સાંભળીને લખવામાં બહુ ઝડપથી ટાઇપ કરવામાં કે લખવામાં ભુલ થવાની સંભાવના વધે છે. સ્પીચ રેકગ્નિશન સોફટવેર અથવા એપ આવી સમસ્યાઓ સરળતાથી ઉકેલી શકે છે. ઇન્ટરનેટ પર ઘણી સ્પીચ રેકગ્નિશન એપ્લિકેશન ઉપલબ્ધ છે.
એવરનોટ એપ્લિકેશનમાં તમે કંઇપણ યાદ રાખવા માટે રિમાઇન્ડર નોટ બનાવી શકો છો, તમે ટેક્સ્ટની સાથે ડોક્યુમેન્ટ, વેબ પેજ, ફોટા અને ઓડિયો પણ એટેચ કરી શકો છો અને તેમને સરળતાથી શેર કરી શકો છો. એવરનોટથી તમે બોલીને કોઇપણ નોટ સ્ટોર કરી શકો છો.તેમજ તેને શેર પણ કરી શકો છો.. જો કે તેમાં ઓડિયો રેકોર્ડિંગ્સને ટેક્સ્ટમાં કન્વર્ટ કરવાનો વિકલ્પ નથી.જો તમે કોઈ સારી ડિકટેશન એપ્લિકેશન જોઈએ છે, તો ગૂગલ પ્લે સ્ટોર પરથી જસ્ટ પ્રેસ રેકોર્ડ એપ્લિકેશનને ડાઉનલોડ કરો. તે એક મોબાઇલ ઓડિઓ રેકોર્ડર છે.આ એપ્લિકેશનની શ્રેષ્ઠ બાબત એ છે કે તેની ટ્રાન્સ્ક્રિપ્શન સર્વિસ ખૂબ સારી છે.
એકવાર તમે ફાઇલનું ટ્રાન્ક્રિપ્શન કરી લો, પછી તેને એડિટ પણ કરી શકાય છે
એકવાર તમે ફાઇલનું ટ્રાન્ક્રિપ્શન કરી લો, પછી તેને એડિટ પણ કરી શકાય છે. આ એપ 30 થી વધુ ભાષાને સપોર્ટ કરે છે. તેમાં વિરામચિહ્નો માટે પણ કમાન્ડ છે. અવાજને શબ્દોમાં બદલવા માટે સ્પીચ નોટસ પણ એક સારી એપ્લિકેશન છે. આની મદદથી લાંબા ભાષણોના લેખો સરળતાથી તૈયાર કરી શકાય છે. આ એપ ગૂગલ વોઇસ રેકગ્નિશન એન્જિન દ્વારા સંચાલિત છે અને લગભગ દરેક શબ્દ અથવા વાક્યને ઓળખી શકે છે. આ એપ્લિકેશનને ગૂગલ પ્લે સ્ટોરથી ફ્રીમાં ડાઉનલોડ કરી શકાય છે, તેનો ઉપયોગ વિડિયો અને વોઇસ મેમોને શબ્દોમાં રૂપાંતરિત કરવા માટે થાય છે. ગુગલની ટ્રાન્સ્ક્રાઇબ એ આર્ટિફિશિયલ ઇન્ટેલિજન્સ દ્વારા સંચાલિત એક પોપ્યુલર ડિકટેશન એપ્લિકેશન છે. આ એપ્લિકેશન વિશ્વભરમાં બોલાતી 80 થી વધુ ભાષાઓને સપોર્ટ કરે છે.