સુવિધા / Flipkart દારુની હોમ ડિલિવરી કરશે, જાણો કોને કોને મળશે લાભ

• ઓનલાઈન વેચાણ અને હોમ ડિલિવરીની મંજુરી આપવામાં આવી
• સ્વિગી અને ઝોમેટો ઝારખંડ અને ઓડિસામાં ઓનલાઈન હોમ ડિલિવરી કરી રહી છે
• ભારતમાં ડ્રિંક્સનું માર્કેટ 27.2 અરબ ડૉલર છે

ફ્લિપકાર્ટે પશ્ચિમ બંગાળ અને ઓડિસામાં દારુની હોમ ડિલિવરી સર્વિસ શરુ કરી હતી. ફ્લિપકાર્ટ અને સ્ટાર્ટઅપ ડિયાજિઓની વચ્ચે થયેલા કરારમાં કહેવામાં આવ્યું છે કે ગ્રાહક પોતાના મનપસંદ આલ્કોહોલનો ઓર્ડર કરી શકે છે. આ બાદ તેને હિપ બારમાંથી હોમ ડિલિવરી આપવામાં આવશે. હિપ બારમાં ડિયાજિઓમાં 26 ટકા ભાગીદારી છે. આઈડબ્લ્યૂએસઆર ડ્રિંક્સ માર્કેટ એનાલિસિસના રિપોર્ટ મુજબ ભારતમાં ડ્રિંક્સનું માર્કેટ 27.2 અરબ ડૉલર છે. જેથી એમેઝોન બાદ ફ્લિપકાર્ટે આ યોજના બનાવી છે.

કોરોનામાં ઓનલાઈન દારુની હોમ ડિલિવરીનો વિકલ્પ કામ કરી રહ્યો છે. જેથી એમેઝોને પ. બંગાળમાં મંજૂરી મળી ચૂકી છે. એ બાદ પ. બંગાળ અને ઓડિસા સરકારે ફ્લિપકાર્ટને મંજૂરી આપી. ઉલ્લેખનીય છે કે ઓનલાઈન ફુડ ડિલિવરી કરનાર સ્વિગી અને ઝોમેટો જેવી કંપની પહેલા ઝારખંડ અને ઓડિસામાં ઓનલાઈન હોમ ડિલિવરી કરી રહી છે.

પ. બંગાળની કુલ વસ્તી 9 કરોડ છે. જ્યારે ઓડિસાની 4.1 કરોડથી વધારે છે. ત્યારે આ કંપનીઓ માટે તેમની ડિમાન્ડને પુરી કરવી એક ચેલેન્જ છે. ગુજરાત અને બિહારમાં દારુબંધી છે. કેન્દ્ર સરકારે માર્ચમા કોરોનાને ફેલાતો રોકવા લોકડાઉન દરમિયાન દારુના વેચાણ પર પ્રતિબંધ લગાવ્યો હતો. એ બાદ હવે ઝારખંડ અને મહારાષ્ટ્ર જેવા રાજ્યોમાં દારુના ઓનલાઈન વેચાણ અને હોમ ડિલિવરીની મંજુરી આપવામાં આવી છે.