દેશમાં ટોલ બુથ પર ટોલટેકસ ચુકવવા હવે ફાસ્ટેગ ફરજિયાત છે. ભારતમાં પોપ્યુલર એવી ઓનલાઇન પેમેન્ટ સિસ્ટમ ગૂગલ પેએ તેના પ્લેટફોર્મ પર નવી યુપીઆઈ રિચાર્જ સુવિધા ઉમેરી છે, જેથી હવે કારધારકો લોકો ગમે ત્યારે ફાસ્ટેગ રિચાર્જ કરી શકશે. એટલું જ નહીં, લોકોને આ વિકલ્પ દ્વારા રિચાર્જ સંબંધિત વધુ માહિતી પણ મળશે.
દેશમાં ટોલ બુથ પર ટોલટેકસ ચુકવવા હવે ફાસ્ટેગ ફરજિયાત છે
ગૂગલ પેએ તેના પ્લેટફોર્મ પર નવી યુપીઆઈ રિચાર્જ સુવિધા ઉમેરી
રિચાર્જ કરવા માટે ફાસ્ટેગ કાર્ડને ગૂગલ પે સાથે જોડવું પડશે
જો કે રિચાર્જ કરવા માટે ફાસ્ટેગ કાર્ડને ગૂગલ પે સાથે જોડવું પડશે. તો ચાલો જાણીએ કે તમે ગૂગલ પે સાથે ફાસ્ટાગને કેવી રીતે રિચાર્જ કરી શકો છો.તમારે પહેલા બંને ખાતાઓને લિંક કરવું આવશ્યક છે. ફાસ્ટેગનું રિચાર્જ કરવા માટે, તમારે પહેલા ગૂગલ પે પર એકાઉન્ટ ખોલવું પડશે. તેમાં ફાસ્ટેગ ઓપ્શન શોધવો પડશે. જે તમને બિલ પેમેન્ટ વિભાગમાં મળશે.
આટલું કર્યા પછી રિચાર્જ વિકલ્પ પસંદ કરો અને ફાસ્ટેગ જારી કરનાર બેંક પસંદ કરો. આ પછી તમારા વાહનનો નંબર એન્ટર કરો અને બેંક એકાઉન્ટના વિકલ્પ સાથે પેમેન્ટ સિલેકટ કરો. હવે તમે તમારી જરુરિયાત મુજબનું ફાસ્ટેગ રિચાર્જ કરી શકો છો. અહીં તમે અહીં ફાસ્ટેગનું બેલેન્સ પણ જોઈ શકો છો.
ફાસ્ટેગ એ ઇલેક્ટ્રોનિક ટોલ કલેક્શન સિસ્ટમ છે જે રેડિયો ફ્રિકવન્સી આઇડેન્ટિફિકેશન સિસ્ટમ પર કામ કરે છે. આ સિસ્ટમ ભારત સરકારના નેશનલ હાઇવે ઓથોરિટી દ્વારા લાગુ કરવામાં આવી છે. દેશભરમાં 15 જાન્યુઆરીની સ્થિતિએ 70 લાખ ફાસ્ટેગ જારી કરવામાં આવ્યા છે.
આ સિસ્ટમ લાગુ કર્યા પછી ફાસ્ટેગની અછત તેમજ કેટલીક ટેકનિકલ ખામીઓના કારણે તેની મુદતમાં વારંવાર વધારો કરવાની સરકારને ફરજ પડી હતી.