યોજના હેઠળ ત્યાંનાં ખેડૂતોને હવે વાર્ષિક 6000 ની જગ્યાએ 10 હજાર રૂપિયા આપવાનો નિર્ણય લેવામાં આવ્યો છે.
આ નિર્ણય CM મમતા બેનર્જીની અધ્યક્ષતામાં યોજાયેલ બેઠકમાં લેવામાં આવ્યો
ઓછી જમીન વાળા ખેડૂતોને પણ થશે ફાયદો
ખેડૂતોને PM કિસાન યોજનાનો પણ મળી રહ્યો છે લાભ
આ નિર્ણય CM મમતા બેનર્જીની અધ્યક્ષતામાં યોજાયેલ બેઠકમાં લેવામાં આવ્યો
ખેડૂતો માટે ઘણા રાહતના સમાચાર આવ્યા છે, પશ્ચિમ બંગાળના ખેડૂતોના ખાતામાં હવે દર વર્ષે 10 હજાર રૂપિયા આપવામાં આવશે. આ પૈસા કૃષક બંધુ યોજના હેઠળ આપવામાં આવશે. આ નિર્ણય CM મમતા બેનર્જીની અધ્યક્ષતામાં યોજાયેલ બેઠકમાં લેવામાં આવ્યો. બીજા નેતાઓએ આ આવેદન આપ્યું હતું, જેના પર મહોર લગાડવામાં આવી. આ યોજના હેઠળ ત્યાંનાં ખેડૂતોને હવે વાર્ષિક 6000 ની જગ્યાએ 10 હજાર રૂપિયા આપવાનો નિર્ણય લેવામાં આવ્યો છે.
ઓછી જમીન વાળા ખેડૂતોને પણ થશે ફાયદો
રાજ્ય સરકારે જાહેર કર્યું છે કે પશ્ચિમ બંગાળના ખેડૂતોના ખાતામાં હવે દર વર્ષે 10 હજાર રૂપિયા આપવામાં આવશે. આ પૈસા કૃષક બંધુ યોજના હેઠળ આપવામાં આવશે. આ પેહલા ત્યાંનાં ખેડૂતોને આ યોજના હેઠળ વર્ષના 6000 રૂપિયા આપવામાં આવતા હતા. સાથે જ મમતાની સરકારે બીજો એક નિર્ણય લીધો છે કે જે ખેડૂતો પાસે એક એકરથી ઓછી જમીન છે તે ખેડૂતોને 2000 ની જગ્યાએ 4000 રૂપિયા આપવામાં આવશે. તમને જણાવી દઈએ કે પશ્ચિમ બંગાળની ચૂંટણી પહેલા મમતા બેનર્જીએ ખેડૂતોને વાયદો કર્યો હતો કે તે ખાતામાં જમા થતી રાશિમાં વધારો કરશે અને તે વાયદા મુજબ તેમણે આ વાયદો પૂરો કર્યો.
ખેડૂતોને PM કિસાન યોજનાનો પણ મળી રહ્યો છે લાભ
પશ્ચિમ બંગાળમાં ચૂંટણી પત્યા બાદ PM કિસાન યોજના અંતર્ગત ખેડૂતોના ખાતામાં રૂપિયા જમા કરાવવામાં આવ્યા હતા. આ યોજના અંતર્ગત દર ત્રણ મહિનામાં 2000 રૂપિયા જમા કરાવવામાં આવે છે એટલે કે વર્ષના 6000. સાથે સાથે આ યોજના દ્વારા ખેડૂતોના ખાતામાં બીજા 10000 રૂપિયા રાજ્ય સરકાર દ્વારા આપવામાં આવશે.