એક રિપોર્ટ મીજબ જાણવા મળ્યું છે કે ફેસબુક તેના મોબાઇલ એપ્લિકેશન માટે એક નવા ફીચર્સનું ટેસ્ટિંગ કરી રહી છે. આ નવા ફીચર્સ દ્વારા યુઝર્સ ફેસબુક પોસ્ટની કન્ટેન્ટને વોટ્સએપ પર શેર કરી શકશે. ફેસબુકનો બીટા વર્ઝન વાપરનારા ઘણા યુઝર્સ આ ફીચર્સને ફેસબુક એપ પર વાપરી શકે છે.
જોકે હાલ ફેસબુક કે વોટ્સએપ દ્વારા આ અંગે કોઈ સત્તાવાર માહિતી આપવામાં આવી નથી. ફેસબુક એપ પર 'શેર' બટન પર ટેપ કરવાથી તમને 'શેર નાઉ' 'રાઇટ પોસ્ટ' અને 'સેન્ડ ઇન વોટ્સએપ' ના ત્રણ વિકલ્પો દેખાશે.
જો તમે ફેસબુકમાંથી કોઈ કન્ટેન્ટ ઈમેજ અથવા વિડીયો સીધા વોટ્સએપ પર શેર કરવા માંગો છો તો તમારે 'સેન્ડ ઇન વોટ્સએપ' ઓપ્શન પર સિલેક્ટ કરવાનું રહેશે. ત્યારબાદ એક લિંક જનરેરેટ થઈ જશે.
આ લિંક તમે કોઈપણ વોટ્સએપ કોન્ટેક્ટ સાથે શેર કરી શકશો. 'સેન્ડ ઇન વોટ્સએપ' ફીચર્સ વોટ્સએપના શેર બટન જેવું દેખાશે જે હાલમાં તમામ વેબસાઈટ પર જોવા મળે છે.
કેટલાક યુઝર્સને આ ફીચર કામમાં આવી શકે છે. અને ફેસબુકને આશા છે કે બિઝનેસ માટે આ ફીચરનો વધુ વપરાશ થશે. આ ફીચર દ્વારા ફેસબુકના માર્કેટપ્લેસ પર જોવા મળતા પ્રોડક્ટ્સ સરળતાથી વોટ્સએપ પર જોવા મળશે.
આ રિપોર્ટ મુજબ ફેસબુક અને વોટ્સએપ બંને તેમનાં બિઝનેસ યુઝર્સને વધારવા માટે તેમનાં બિઝનેસ એપમાં એક નવા ફીચરને એડ કરવાના છે.