જો તમારી પાસે ડીઝલથી ચાલતું વાહન છે, તો તમારા માટે સારા સમાચાર છે. હવે તમે ઘરે બેઠા ડીઝલ મંગાવી શકો છો.
હવે થશે ડિઝલની હોમ ડિલિવરી
ડિઝલ માટે પંપ જવાની જરૂર નથી
ફ્યુઅલ હમસફર નામની એપ કરશે મદદ
સરકારી માલિકીની તેલ કંપની ભારત પેટ્રોલિયમ કોર્પોરેશન લિમિટેડ (BPCL) એ ડીઝલની ઘરઆંગણે ડિલિવરી માટે હમસફર ઇન્ડિયા સાથે હાથ મિલાવ્યા છે. જ્યારે કારમાં તેલ સમાપ્ત થઈ જાય ત્યારે તમારે પેટ્રોલ પંપ પર જવાની જરૂર નથી.
હોમ ડિલિવરીની સુવિધા
તમને જણાવી દઈએ કે, જેરીકેનમાં ડોરસ્ટેપ ડીઝલ ડિલિવરીની સુવિધા આપવામાં આવી રહી છે, જેનું નામ સફર 20 છે. તમને જણાવી દઈએ કે ડોરસ્ટેપ ડિલિવરીની સુવિધા એવા ગ્રાહકો માટે છે જે 20 લિટરથી ઓછા ડીઝલની માંગ કરે છે. આનાથી નાના ઉદ્યોગો, મોલ, હોસ્પિટલ, બેંક, બાંધકામ સાઇટ, ખેડૂતો, મોબાઇલ ટાવર, શૈક્ષણિક સંસ્થાઓ તેમજ નાના ઉદ્યોગોને ફાયદો થશે. થોડા સમય પહેલા ડોરસ્ટેપ ડીઝલનો જથ્થાબંધ સપ્લાય શરૂ થયો છે.
હમસફર એપથી ફ્યુઅલ બુક કરી શકાય છે
"ફ્યુઅલ હમસફર" એ દિલ્હી સ્થિત સ્ટાર્ટઅપ હમસફર ઇન્ડિયાની મોબાઇલ એપ્લિકેશન છે. ફ્યુઅલ હમસફર એપ દ્વારા હાલમાં પંજાબના પટિયાલા અને માલેરકોટલાના નવા જિલ્લામાં 20 લિટર જેરી કેનમાં ડીઝલની ડિલિવરી શરૂ થઈ ગઈ છે. કંપનીએ હાલમાં તે ગ્રાહકો માટે આ સેવા શરૂ કરી છે, જેઓ એક સમયે વધુમાં વધુ 20 લિટર ડીઝલ ઇચ્છે છે. કંપનીએ નોઈડા, દિલ્હી, ફરીદાબાદ અને ગાઝિયાબાદ સહિત ઉત્તર પ્રદેશ, ઉત્તરાખંડ, હરિયાણા, મહારાષ્ટ્ર, આસામ, કેરળ, ગુજરાત, ગોવા અને નેશનલ કેપિટલ રિજન (NCR)માં પણ આ સુવિધા શરૂ કરી છે.
આ રાજ્યોમાં પણ આ સુવિધા શરૂ કરવામાં આવશે
આ સાથે BPCLએ હિમાચલ પ્રદેશ અને ઉત્તરાખંડમાં આ 20 લિટર જેરીકેન સેવા શરૂ કરવાની પણ યોજના બનાવી છે. આ રાજ્યોમાં મોટાભાગના રિસોર્ટ, હોટેલ્સ, ઉદ્યોગો અને ખેતરો પહાડીઓ પરના દૂરના વિસ્તારોમાં છે અને ત્યાં પંપનો અભાવ છે. આવી સ્થિતિમાં, મોટરસાઇકલ પર આપવામાં આવતી આ સેવા આ રાજ્યોના પ્રવાસીઓ માટે ઘણી મદદરૂપ સાબિત થશે. ડોરસ્ટેપ ડીઝલ ડિલિવરી આવી સ્થાનિક સમસ્યાઓમાં ઘટાડો કરશે. તે બલ્ક ગ્રાહકોને કાયદેસર રીતે ડીઝલ ઉપલબ્ધ કરાવશે.
BPCL ડિસઇન્વેસ્ટમેન્ટની યાદીમાં ટોચ પર
ચાલુ નાણાકીય વર્ષમાં સરકારનું ખાનગીકરણ અને વિનિવેશનું લક્ષ્ય 1.75 લાખ કરોડ રૂપિયા રાખવામાં આવ્યું છે. આ વર્ષે ડિસઇન્વેસ્ટમેન્ટની યાદીમાં BPCLનું નામ ટોચ પર છે અને તે દેશની બીજી સૌથી મોટી ઓઇલ રિફાઇનરી કંપની છે. તમને જણાવી દઈએ કે આમાં વર્તમાન સરકારની ભાગીદારી 52.98 ટકા છે અને હવે સરકાર તેમાં પોતાનો સંપૂર્ણ હિસ્સો વેચવા જઈ રહી છે.