જીનોમ સિકવન્સિંગ ટેસ્ટની મદદથી કોરોના વાયરસનો વેરિએન્ટ ક્યા પ્રકારનો છે તે જાણી શકાય છે તેમજ ટેસ્ટ થાય તો મેડિકલ લેબોરેટરી પરીક્ષણમાં જાણી શકાશે
સુરતમાં પેટર્ન બદલતા કોરોનાને ઝડપથી ઓળખવાની મથામણ
જીનોમ સિકવન્સિંગ ટેસ્ટ માટે સુરત મનપાએ કેન્દ્રની મંજૂરી માંગી
દ.ગુજરાત યુનિવર્સિટીમાં જીનોમ સિકવન્સિંગ ટેસ્ટ માટે મંજૂરી માંગી
રાજ્યમાં હાલ કોરોના સંક્રમણ ઓછું થયું છે અને કોરોના કેસમાં પણ ઘટાડો નોંધાયો છે પરતું કોરોનામાં બદલાતા સ્વરૂપને લઈને તંત્રને ચિંતા વ્યક્ત કરી છે, કોરોનામાં એકબાદ એક વેરિયન્ટમાં બદલાવ આવતો હોવાય તેવું સામે આવતા તંત્રની ઉંઘ ઉડી ગઈ છે.
કોરોના વાયરસનો વેરિએન્ટ ઓળખી શકાશે
સુરત મનપાએ કોરોના પેટર્ન બદલતા કોરોનાને ઝડપથી ઓળખવાની મથામણ હાથ ધરી છે જેને લઈ જીનોમ સિકવન્સિંગ ટેસ્ટ માટે સુરત મનપાએ કેન્દ્રની મંજૂરી માંગી છે. જીનોમ સિકવન્સિંગ ટેસ્ટથી કોરોના વાયરસનો વેરિએન્ટ કયા પ્રકારનો છે જાણી શકાશે તેમજ ટેસ્ટ થકી મેડિકલ લેબોરેટરી પરીક્ષણમાં જાણી શકાશે કે વાયરસનો વેરિએન્ટ કયા પ્રકારનો છે નવા વેરિએન્ટની સમયસર જાણકારી મળશે તો તંત્ર આગોતરૂ આયોજન કરી શકાશે.
સુરત મનપાએ ટેસ્ટીંગની કેન્દ્ર પાસે મંજૂરી
દક્ષિણ ગુજરાત યુનિવર્સિટીમાં પેટર્ન બદલતા કોરોના ને લઈ ટેસ્ટ માટે મંજૂરી આપવાની અપીલ કરી છે. મહત્વનું છે કે જીનોમ સિકવન્સિંગ ટેસ્ટની મદદથી કોરોના વાયરસનો વેરિએન્ટ ક્યા પ્રકારનો છે તે જાણી શકાય છે તેમજ ટેસ્ટ થાય તો મેડિકલ લેબોરેટરી પરીક્ષણમાં જાણી શકાશે, તમેજ વાયરસનો વેરિએન્ટ કયા પ્રકારનો છે તે અંગે નવા વેરિએન્ટની જો સમયસર જાણકારી મળશે તો તંત્ર આગોતરૂ આયોજન કરી શકશે.જેને લઈને સુરત મનપાએ કેન્દ્ર પાસે મંજૂરી માંગી છે.
અનેક દેશોમાં કોરોનાના વેરિએન્ટની પેટર્ન બદલાતી જોવા મળી
મહત્વનું છે કે અનેક દેશોમાં કોરોનાના વેરિએન્ટની પેટર્ન બદલાતી જોવા મળી રહી છે, કોરોના વાયરસના ડેલ્ટા વેરિએન્ટે દુનિયાના અનેક દેશોમાં ડર પેદા કરી રહ્યો છે. જેના કારણે યુરોપ સહિત અનેક દેશોમાં લોકડાઉનનું સંકટ તોળાઈ રહ્યું છે. કેમ કે બ્રિટન સહિત અનેક યુરોપીય દેશોમાં પ્રતિબંધોમાં છૂટ આપવાની તૈયારી કરવામાં આવી રહી છે. પરંતુ વિશેષજ્ઞોની ચેતવણી બાદ આને ટાળવાની તૈયારી છે.
વિશ્વ સ્વાસ્થ્ય સંગઠને ડેલ્ટાને લઈ ચેતવણી આપી
વિશ્વ સ્વાસ્થ્ય સંગઠન અને યુકેના અધિકારીઓએ વધારે સંક્રમક ડેલ્ટા વેરિએન્ટને લઈને ચેતવણી જાહેર કરી છે. સાથે કહ્યુ કે યૂકેમાં 90 ટકા નવા કોરોના મામલા માટે ડેલ્ટા વેરિએન્ટની જવાબદારી છે. ત્યારે સ્પેનમાં મૈડ્રિડના ઉપ સ્વાસ્થ્ય પ્રમુખ એન્ટાનિયો જાપાટેરોએ કહ્યું છે કે ડેલ્ટા વેરિએન્ટ 6થી 7 અઠવાડિયાથી દેશોમાં સંક્રમણનું સૌથી મોટુ કારણ રહેશે.કોરોનાના ડેલ્ટા વેરિએન્ટના સંકટને જોતા બ્રિટનમાં લોકડાઉનના પ્રતિબંધોને વધારે ચાર અઠવાડિયા સુધી લંબાવાયું છે. 21 જૂને ખતમ થનારું લોકડાઉન હવે 19 જુલાઈએ ખતમ થશે.
ભારતમાં કોરોનાની ત્રીજી લહેરની શક્યતાઓ
હવે ભારતમાં કોરોનાની ત્રીજી લહેરની શક્યતાઓ જોવાઈ રહી છે ત્યારે કોરોનાની નવી પેટર્ન ઓળખવા માટે સુરત મનપાએ કેન્દ્ર પાસે મંજૂરી માંગી છે તે હવે ક્યારે મળે છે અને કેવી રીતે જીનોમ સિકવન્સિંગ ટેસ્ટની મદદથી કોરોના વાયરસ વેરિએન્ટ ઓળખી શકાશે તે જોવાનું રહ્યું ?