અહેવાલ / હવે આવશે ભારતીય ઈકોનોમીના 'અચ્છે દિન', CEBRની રિપોર્ટમાં મોટો ખુલાસો !

• 2025 સુધી ભારતીય અર્થવ્યવસ્થા વિશ્વની પાંચમી સૌથી મોટી અર્થવ્યવસ્થા બનશે 
• 2030 માં ભારત જાપાનને પછાડી ભારત વિશ્વની ત્રીજી સૌથી મોટી ઇકોનોમી બની શકે છે
• બ્રિટનની જાણીતી રિસર્ચ સંસ્થા CEBR ના રિપોર્ટમાં સામે આવી જાણકારી 

ખરેખર, કોરોના વાયરસ રોગચાળાને કારણે ભારતને અર્થવ્યવસ્થાને મોટો ઝટકો લાગ્યો છે. જેના કારણે, વર્ષ 2020 માં, ભારતીય અર્થવ્યવસ્થા એક સ્થાન ગબડીને છઠ્ઠા સ્થાને આવી ગઈ છે. મહત્વનું છે કે 2019માં ભારતે બ્રિટેનને પાછળ કરીને દુનિયાની 5 મી સૌથી મોટી અર્થવ્યવસ્થાનું ટાઇટલ મેળવ્યું હતું. 

બ્રિટનની રિસર્ચ ફર્મ CEBR ના રિપોર્ટમાં મોટો ખુલાસો 

બ્રિટનની અગ્રણી આર્થિક રિસર્ચ સંસ્થા, સેન્ટર ફોર ઇકોનોમિક એન્ડ બિઝનેસ રિસર્ચ CEBR ના વાર્ષિક અહેવાલમાં જણાવાયું છે કે કોરોના મહામારીના લીધે ભારત ની ઇકોનોમીને અસર થઈ છે તેનું પરિણામ એ છે કે 2019 માં બ્રિટનને પાછળ છોડનાર ભારત આ વર્ષે બ્રિટનથી પાછળ છે. ચીન જો કે આ મામલે ઘણું આગળ છે એવું અનુમાન છે કે ચીન જે 2033ની આસપાસ યુએસને પાછળ પાડી શકે તેવુ અનુમાન હતું તે આર્થિક મોરચે આ કામ ઘણું વહેલું એટલે કે 2028માં જ કરી શકે છે. 

રિપોર્ટ અનુસાર, બ્રિટન 2024 સુધી આગળ વિશ્વની પાંચમી સૌથી મોટી ઈકોનોમી રહેશે પરંતુ તે પછી ભારત તેને પાછળ છોડીને તેનું સ્થાન લેશે. એવું લાગે છે કે 2020 માં રૂપિયાની નબળાઈને કારણે યુકે ભારતથી આગાળ રહ્યું છે. એવું અનુમાન કરાયું છે કે 2021 માં ભારતનું GDP વૃદ્ધિ દર 9 ટકા અને 2022 માં 7 ટકા રહેશે. CEBR કહે છે કે તે સ્વાભાવિક છે કે જેમ જેમ ભારત વધુ આર્થિક વિકાસ કરશે, દેશનો વિકાસ દર ધીમું થશે અને 2035 સુધીમાં તે 5.8 ટકા પર આવી જશે. 

ભારત 2025 માં બ્રિટન, 2027 જર્મની અને 2030 માં જાપાનને પાછળ છોડી દેશે 

આર્થિક વિકાસ દરની આ અનુમાનિત દિશા મુજબ, ભારત આર્થિક મોરચે 2025 માં બ્રિટન, 2027 માં જર્મની અને 2030 માં જાપાનને પાછળ છોડી દેશે. એવી આગાહી છે કે ચીન 2028 માં યુ.એસ. ને પાછળ પાડીને વિશ્વની સૌથી મોટી અર્થવ્યવસ્થા બની જશે. કોરોના વાયરસ પહેલા જ ભારતીય અર્થવ્યવસ્થાની ગતિ ધીમી થવા માંડી હતી. મહત્વનું છે કે, 2019 માં, ભારતનો વિકાસ દર 4.2 ટકા હતો, જે 10 વર્ષના ઇતિહાસમાં સૌથી લઘુત્તમ હતી.