બદલાવ / હવે PF અકાઉન્ટમાં નામ બદલવું આસાન નહીં હોય, નવા નિયમો જાહેર

•  EPFO લઇને આવ્યુ નવા નિયમ
• છેતરપિંડીના કેસને રોકવા માટે થયો બદલાવ 
• નહી કરી શકો મોટા બદલાવ 

છેતરપિંડીના કિસ્સા સામે આવ્યા બાદ કડક નિયમ 
EPFOનું કહેવું છે કે પીએફ અકાઉન્ટની પ્રોફાઇલમાં ઓનલાઇન કરેક્શન અથવા બદલાવ કરવાના કારણે ઘણીવાર રેકોર્ડમાં મિસમેચની સંભાવના રહે છે જેના કારણે છેતરપિંડી થઇ શકે છે. પીએફ અકાઉન્ટને લઇને કેવાયસીના નામ પર ફ્રોડ થવાના ઘણા કેસ સામે આવ્યા છે. જેને લઇને આ નિયમો કડક કરી દેવામાં આવ્યા છે. 

આપવા પડશે ડૉક્યુમેન્ટ 
નવી ગાઇડલાઇન્સ અનુસાર હવે ડૉક્યુમેન્ટ વગર પીએફ અકાઉન્ટમાં લોકો બદલાવ કરી શકશે નહી. જો કે નામમાં બદલાવ કરવાની અનુમતિ આપવામાં આવી છે પરંતુ કોઇ પણ મોટા બદલાવ પહેલા EPFO ડૉક્યુમેન્ટ વેરિફાઇ કરશે તે બાદ જ કોઇ પણ પ્રકારનો ચેન્જ થઇ શકશે. 

આ રહેશે નાના બદલાવ
EPFOની ગાઇડલાઇન અનુસાર કોઇ નામ કે ઉપનામ વગર પહેલો લેટર સુધારે છે તો તેને નાનો બદલાવ માનવામાં આવશે. જો મિડલ કે લગ્ન બાદ સરનેમમાં બદલાવ કરવો છે તો આધાર કાર્ડમાં આપવામાં આવેલ નામ પ્રમાણે જ બદલાવ થશે. 

આ રહેશે મોટા બદલાવ 
હવે નામમાં સંપૂર્ણ બદલાવ કરવાની અનુમતિ નહી મળે. જો કે વિશેષ પરિસ્થિતિઓમાં વિસ્તૃત જાણકારી અને પ્રુફ સબમિટ કર્યા બાદ નામમાં બદલાવ કરી શકાશે. પીએફ અકાઉન્ટમાં નામ, બર્થ ડેટ, નૉમિની, એડ્રેસ અને પિતા કે પતિના નામના બદલાવને મોટો બદલાવ માનવામાં આવશે. 

કેવાયસીમાં ઓનલાઇન ઓફલાઇન મોડમાં બદલાવ ત્યારે જ માનવામાં આવશે જ્યારે ખાતાધારકે ડૉક્યુમેન્ટ અપલોડ કરાવ્યા હશે. જો કોઇ સંસ્થા બંધ થઇ ગઇ છે તો સેલેરી સ્લિપ, અપોઇમેન્ટ લેટર અને પીએફ સ્લિપ બતાવવી પડશે. 

2017માં આપવામાં આવી હતી આ સુવિધા
EPFOએ 2017માં EPFO મેમ્બર્સ પોતાની પ્રોફાઇલમાં ઓનલાઇન ચેન્જ કરવાની સુવિધા આપી હતી પરંતુ હવે છેતરપિંડીની ઘટનાઓને ધ્યાનમાં રાખતા નિયમોમાં બદલાવ કરવામાં આવ્યા છે. EPFOના 6 કરોડ કરતા વધારે મેમ્બર્સ છે.