મંદી? / મોંઘવારીનું ચાબુક વીંઝાયું! વધુ એક કંપનીએ એકઝાટકે કરી 600 કર્મચારીઓની છટણી

• Unacademyએ પણ કાઢ્યા 600 લોકો 
• Netflix કરી ચુકી છે 150 લોકોની છટણી 
• મેં મહિનામાં બીજી વખત લેવાયો આ નિર્ણય 

દુનિયાભરમાં મોંઘવારી પોતાના ચરમ પર છે. ત્યાં જ દેશનો ઈકોનોમિક ગ્રોથ પણ સતત કમજોર પડી રહ્યો છે. એવામાં ઘણા નિષ્ણાંતોનું માનવું છે કે આવનાર સમયમાં આર્થિક મંદીના લક્ષણ જોવા મળી રહ્યા છે. આ વચ્ચે એક બાદ એક કંપની લોકોને નોકરીમાંથી નિકાળી રહી છે. તો શું તેને આર્થિક મંદીની આહટ માનવી જોઈએ? લેટેસ્ટ મામલો જુની કારો વેચતી ઈ-કોમર્સ કંપનીનો છે. 

Cars24એ કરી 600 લોકોની છટણી 
Cars24 નામની ઈ-કોમર્સ કંપનીએ 600 એમ્પ્લોઈઝને નોકરીમાંથી કાઢ્યા છે. જોકે આ વિશે કંપનીનું કહેવું છે કે આ તેના વ્યાપાર કરવાની સામાન્ય પ્રક્રિયા છે. તે દર વર્ષે પ્રદર્શનના આધાર પર એમ્પ્લોઈઝની છટણી કરે છે. આ પણ તેનો એક ભાગ છે. તેનો કંપનીનો ખર્ચ ઘટવા સાથે કોઈ લેવા દેવા નથી. Cars24ના એમ્પ્લોઈઝની સંખ્યા લગભગ 9,000 છે અને હવે તેમાંથી 6.6% લોકોની નોકરી જતી રહી છે. 

Vedantuએ મહિનામાં બે વખત લોકોને નોકરીમાંથી નિકાળ્યા 
આ વચ્ચે એજ્યુકેશન ટેક કંપની Vedantuએ પણ બે વખત હજારો લોકોને નોકરીમાંથી કાઢી મુક્યા છે. મેં મહિનામાં જ કંપનીએ પહેલા 200 લોકોની અને પછી બુધવારે 424 લોકોની છટણી કરી દીધી છે. કંપનીના કુલ એમ્પ્લોઈઝની સંખ્યા 5,900ની નજીક છે. પહેલી વખત છટણીને લઈને કંપનીનું કહેવું છે કે તેણે 120 કોન્ટ્રાક્ટર્સ અને 80 ફુલ ટાઈમ એમ્પ્લોઈઝના કામકાજનું આકલન કર્યા બાદ આ નિર્ણય કર્યો છે. 

હવે મે મહિનામાં જ વેદાંતુએ બીજી વખત એમ્પ્લોઈઝની છટણી કરી છે. તેને લઈને કંપનીના સીઈઓ વામ્સી કૃષ્ણાનો સ્ટાફને મોકલવામાં આવેલો મેલ ઘણા પ્રકારની ચિંતાઓ દર્શાવે છે. આ કર્મચારીઓના પર્ફોર્મન્સ સાથે જોડાયેલો મામલો નથી. દુનિયામાં રશિયા-યુક્રેન યુદ્ધના કારણે અનિશ્ચિતતા વધી છે. મંદીનો ડર, મોંઘવારી અને અમેરિકી ફેડલર રિઝર્વના વ્યાજદર વધવાથી પણ ચિંતાઓ વધી ગઈ છે. 

તેમણે પોતાના ઈ-મેલમાં ઉલ્લેખ કર્યો છે. "આને કહેવાની કોઈ સરળ રીત નથી. પરંતુ હું ખૂબ સોરી ફિલ કરૂ છુ. પુલકિત, આનંદ અને હું તમારો ઋણી રહીશ કે તમે વેદાંતુને પોતાનો મુલ્યવાન સમય અને ઉર્જા આપી છે. યાદ રાખજો કે આમાં તમારૂ ભૂલ નથી અને ન તો આ એટલા માટે થઈ રહ્યું છે કે તમે કંઈ કર્યું છે. તમે ખૂબ સારા છો અને બહાર અન્ય કંપનીઓ તમને મેળવીને ખૂબ ભાગ્યશાળી બનવાની છે."

Unacademyએ પણ કાઢ્યા 600 લોકો 
આ પહેલા એપ્રિલમાં એક બાજુ એજુટેક કંપની Unacademyએ પણ 600 લોકોને નોકરીમાંથી કાઢી મુક્યા છે. જ્યારે રોની સ્કૂવાલાથી રોકાણ મેળવનાર સ્ટાર્ટઅપ કંપની Lido Learning પોતાનું ઓપરેશન બંધ કરી ચુકી છે અને ઘણા એમ્પ્લોઈઝનું કહેવું છે કે Lidoએ પાછલા ઘણા મહિનાઓથી વેતન નથી આપ્યું. આ ઉપરાંત Meesho, Furlenco અને Trell જેવી કંપની પણ લોકોને નોકરીમાંથી કાઢી રહી છે. 

Netflixએ કરી 150 લોકોની છટણી 
નકરીમાંથી કાઢી મુકવાની આ ઘટના ફક્ત ભારતમાં જ નહીં, પરંતુ દુનિયાના અન્ય ભાગોમાં પણ જોવા મળી રહી છે. પોપ્યુલર OTT પ્લેટફોર્મ Netflixએ પણ લગભગ 150 કર્મચારીઓ અને ડઝનભર કોન્ટ્રાક્ટર્સની છટણી કરી દીધી છે. The Vergeના સૂત્રોના હવાલે મળેલી એક જાણકારીમાં જણાવવામાં આવ્યું છે કે નેટફ્લિક્સની ફેન ફોકસ્ડ વેબસાઈટ Tudum માટે કામ કરી રહેલા ઓછામાં ઓછા 26 કોન્ટ્રાક્ટર્સને નોકરીમાંથી કાઢી મુકવામાં આવ્યા છે. નેટફ્લિક્સ આ પહેલા માર્કેટિંગ ટીમથી લગભગ 25 લોકોને બહાર કરી ચુકી છે. જેમાં લગભગ એક ડઝન લોકો Tudumથી જ જોડાયેલા હતા. 

બુધવારે જે 26 લોકોને નોકરીમાંથી કાઢવામાં આવ્યા તેમાં ગ્રુપ ઈમેલથી તેની જાણકારી આપી હતી. જોકે નેટફ્લિક્સના પ્રવક્તા Erika Masonhallનું કહેવું છે કે ઈમેલ કોન્ટ્રેક્ટિંગ કંપનીને મોકલ્યા છે. કંપનીએ The Vergeને જણાવ્યું કે જે લોકોને નોકરીમાંથી કાઠવામાં આવી રહ્યા છે તેમાં મોટાભાગના લોકો અમેરિકા બેસ્ડ છે. છટણીનો આ નિર્ણય કર્મચારીઓના પરફોર્મન્સ સાથે જોડાયેલો નથી. પરંતુ ફાઈનાન્શિયલ કારણોથી તેને આમ કરવા પર મજબૂર થવું પડ્યું છે.