પેટ્રોલ-ડીઝલ બાદ ગત સપ્તાહમાં CNGના ભાવમાં એકસાથે 5 રુપિયાનો તોતિંગ વધારો થતાં રિક્ષાચાલકોમાં ભારે રોષ ફેલાયો હતો.
CNGના ભાવ વધતાં રિક્ષા ચાલકોમાં રોષ
CNGના ભાવ વધતા રિક્ષાચાલકોએ ઉચ્ચક ભાડું લેવાનું કર્યું શરૂ
રિક્ષા ચાલકોએ ભાવ પરત ખેંચવા કરી માંગ
મોંઘવારી વધતા રિક્ષાચાલકોનો વિરોધ
નવા નાણાકીય વર્ષના પ્રારંભ સાથે દેશમાં કોમર્શિયલ એલપીજી, વિમાનના ઇંધણ, સીએનજી અને ડીએપી ખાતર સહિતની વસ્તુઓમાં જંગી ભાવવધારો ઝીંકાયો હતો. ગુજરાતમાં પેટ્રોલ-ડીઝલના ભાવ વધારા બાદ અદાણી ગ્રૂપે CNGના ભાવમાં તોતિંગ વધારો ઝિંક્યો છે. હજુ 8 દિવસ પહેલાં જ અદાણી CNGના ભાવમાં રૂ. 1.50નો વધારો કરાયા બાદ શુક્રવારે ફરી રૂ.5નો વધારો ઝીંકી દીધો છે. જેને લઈને રિક્ષાચાલકોમાં ભારે રોષ ફેલાયો છે.
વધતી મોંઘવારી વચ્ચે CNGના ભાવ ઘટાડવા રિક્ષાચાલકોની માંગ
ઉલ્લેખનીય છે કે, દેશના સામાન્ય જનતા પર અત્યારે ચારેબાજુથી મોંઘવારીનો વાર થઈ રહ્યો છે. પેટ્રોલ, ડીઝલ, દવાઓ, શાકભાજી, દૂધ વગેરેના ભાવ તો વધ્યા જ હતા સાથે સાથે અદાણી દ્વારા સીએનજીના ભાવમાં પણ વધારો કરવામાં આવ્યો છે. CNGના ભાવમાં 5 રુપિયાનો તોતિંગ વધારો થતાં રિક્ષાચાલકોની સમસ્યા વધી છે અને હવે તેઓ CNGના ભાવ ઘટાડવાની માંગકરી રહ્યા છે. રિક્ષાચાલકોના અસોસિએશન દ્વારા ગુજરાતના મુખ્યમંત્રી સહિતના અન્ય મંત્રીઓ અને અધિકારીઓને આવેદનપત્ર સોંપવામાં આવ્યું છે
CNGના ભાવ વધતા રિક્ષાચાલકોએ ઉચ્ચક ભાડું લેવાનું કર્યું શરૂ
ઉલ્લેખનયી છે કે, CNGના ભાવમાં સતત વધારો ચાલુ જ રહ્યો હતો. અને હવે તો CNGના ભાવમાં પાંચ રુપિયા વધારો થઈ CNGનો નવો ભાવ 79.59 પ્રતિકિલો થતાં જતાં રિક્ષાચાલકોની સ્થિતિ કફોડી બની ગઈ છે. ત્યારે હવે રિક્ષા ચાલકોને વધતી મોંઘવારી વચ્ચે ઉચ્ચક ભાડું લેવા મજબૂર બનવું પડ્યું છે. બીજી તરફ શહેરમાં કેટલાક રિક્ષા ચાલકોએ સૂત્રોચ્ચાર કરીને CNGના ભાવમાં વધારાનો વિરોધ કર્યો હતો.