સોશિયલ મીડિયાને કારણે હવે લોકોની વચ્ચે વાતચીત એટલી સરળ અને રસપ્રદ બની ગઈ છે કે શોર્ટમાં શબ્દો લખવા, ઈમોજી અને સ્ટિકર્સનો ઉપયોગ કરીને પણ લોકો વાત કહી દે છે. વોટ્સએપમાં જ્યારથી સ્ટિકર્સનો ઓપ્શન આવ્યો છે ત્યારથી વડાપ્રધાન મોદીથી લઈને મોટા-મોટા સેલેબ્સના સ્ટિકર્સ લોન્ચ થઈ ચૂક્યા છે. હવે સબ ટીવી પર પ્રસારિત થનારી કોમેડી સિરિયલ તારક મહેતાના ચાહકો માટે સારા સમાચાર છે. વોટ્સએપ શોના લોકપ્રિય પાત્રોના સ્ટીકર્સ થોડાં જ સમયમાં વોટ્સએપ પર જોવા મળશે.
તારક મહેતાના લોકપ્રિય પાત્રો વોટ્સએપ સ્ટિકર્સમાં મળશે જોવા
12 વર્ષથી ચાલી રહ્યો છે આ શો
આ સ્ટીકર્સમાં કલાકારોના સિગ્નેચર માર્ક પણ હશે
તારક મહેતા કા ઉલ્ટા ચશ્મા છેલ્લા ઘણા સમયથી ઓન એર છે. વર્ષ 2008થી આ શો લોકોનો પ્રિય કોમેડી શો રહ્યો છે. 12 વર્ષથી શો ચાલી રહ્યો છે અને તેના 2800 એપિસોડ અત્યાર સુધી આવી ચૂક્યા છે. ટપ્પુ સેના, જેઠાલાલ, દયાબેન અથવા બબીતા જી, શોના બધા પાત્રો લોકોમાં ખૂબ જ પ્રખ્યાત રહ્યા છે. આ શોના ચાહકો માટે એક મોટા સમાચાર છે કે શોના પાત્રોના સ્ટીકર્સ વોટ્સએપ પર જોવા મળશે. અહેવાલો અનુસાર, આ સ્ટીકર્સને કલાકારો દ્વારા બોલાયેલા સિગ્નેચર માર્ક સાથે રજૂ કરવામાં આવશે.
સ્લોગન્સ પણ હશે
જેઠાલાલની 'નોનસન્સ'થી લઈને બબીતા જીની 'હાય', સોઢીની 'બલ્લે-બલ્લે', બાવરાની 'ગલતી સે મિસ્ટેક હો ગયા' અને દેનાબેનની 'હે માતા.. માતાજી'. જેવા 'સ્લોગન'ની સાથે સ્ટીકર્સ આવશે. આ શોમાં ટપ્પુનો રોલ પ્લે કરનાર રાજ અનદકટે આ અંગે કહ્યું કે, 'આ એકદમ કૂલ છે. ટપ્પુ સેના હવે વોટ્સએપ પર છે. હવે અમારા સ્ટીકર્સ અમારા પરિવાર અને મિત્રો દ્વારા શેર કરવામાં આવશે. અમે આ જોવા માટે ખૂબ જ ઉત્સાહિત છીએ. મને બધા સ્ટીકર્સ ગમે છે, પરંતુ તેમાં કોઈ શંકા નથી કે ટપ્પુ સેના શ્રેષ્ઠ છે.