અગાઉ ઓફલાઈન-ઓનલાઇન બે રીતે પરીક્ષા લેવાતી હતી. જોકે હવે યુની. સિન્ડિકેટની બેઠકમાં લેવાયેલ નિર્ણય મુજબ ઓફલાઈન પરીક્ષા જ થશે
દક્ષિણ ગુજરાત યુનિવર્સિટીની તમામ પરીક્ષા હવે ઓફલાઈન જ લેવાશે
યુનિવર્સિટીની સિન્ડિકેટ બેઠકમાં લેવાયો નિર્ણય
બે વર્ષમાં ઓનલાઈન પરીક્ષા પાછળ 3.97 કરોડનો ખર્ચ કરવામાં આવ્યો
સિન્ડેકેટમાં તમામ સભ્યોએ ઓનલાઈન પરીક્ષાનો વિરોધ કર્યો
દક્ષિણ ગુજરાત યુનિવર્સિટીની સિન્ડિકેટની બેઠકમાં લેવામાં એક મોટો નિર્ણય લેવામાં આવ્યો છે. વિગતો મુજબ યુની. સિન્ડિકેટની બેઠકમાં VNSGUની યુનિ.ની તમામ પરીક્ષા હવે ઓફલાઈન જ લેવાનો નિર્ણય કરવામાં આવ્યો છે. મહત્વનું છે કે કોરોના વાયરસને કારણે સાવચેતીના ભાગરૂપે સેમેસ્ટર અનુસાર ઓફલાઈન અને ઓનલાઇન બે રીતે પરીક્ષા લેવાતી હતી. જોકે હવે યુની. સિન્ડિકેટની બેઠકમાં લેવાયેલ નિર્ણય મુજબ VNSGUમાં હવે ઓફલાઈન પરીક્ષા જ લેવાશે.
સુરત સ્થિત દક્ષિણ ગુજરાત યુનિવર્સિટી ખાતે યુની. સિન્ડિકેટની બેઠક યોજાઇ હતી. જેમાં અગાઉ કોરોનાકાળ વખતે અને છેક હમણાં સુધી કોરોના કેસોની સંખ્યા વધુ હતી ત્યારે પણ સેમેસ્ટર અનુસાર ઓફલાઈન અને ઓનલાઇન બે રીતે પરીક્ષા લેવાતી હતી તેને લઈ એક મોટો નિર્ણય કર્યો છે. વિગતો મુજબ બે વર્ષમાં યુનિએ ઓનલાઈન પરીક્ષા પાછળ 3.97 કરોડનો ખર્ચ કર્યો છે. જોકે સિન્ડિકેટ મિટિંગમાં સભ્યો અને કુલપતિ વચ્ચે ઓફલાઈન-ઓનલાઇનણને લઈ ઉગ્ર ચર્ચા થઈ હતી.
સિન્ડિકેટ સભ્યો અને કુલપતિ વચ્ચે ઉગ્ર ચર્ચા બાદ મોટો નિર્ણય
યુની. સિન્ડિકેટની બેઠકમાં સિન્ડિકેટ સભ્યો અને કુલપતિ વચ્ચે ઉગ્ર ચર્ચા થઈ હતી. જેમાં સીન્ડિકેટની બેઠકમાં તમામ સભ્યોએ ઓનલાઈન પરીક્ષાનો વિરોધ કર્યો હતો. જે બાદમાં ભારે વિરોધ વચ્ચે યુનિવર્સિટી દ્વારા ઓફલાઈન પરીક્ષા લેવા નિર્ણય કરવામાં આવ્યો છે. જેથી હવે VNSGUની યુનિ.ની તમામ પરીક્ષા હવે ઓફલાઈન જ લેવાનો નિર્ણય કરવામાં આવ્યો છે.