જો તમારા આધારને 10 કે તેથી વધુ વર્ષ પૂર્ણ થઈ ગયા છે, તો સરકારના નવા નોટિફિકેશન મુજબ તમારે આધારની માહિતી અપડેટ કરવી પડશે. આધારમાં, તમે કેટલીક માહિતી જાતે અપડેટ કરી શકો છો.
આધાર કાર્ડને લઈને કેન્દ્ર સરકારનો મહત્વનો નિર્ણય
આધાર કાર્ડ કઢાવ્યાના 10 વર્ષ બાદ કરવું પડશે અપડેટ
10 વર્ષની તમામ વિગતો આધારકાર્ડમાં અપડેટ કરવાની રહેશે
કેન્દ્ર સરકારે આધાર કાર્ડને લઈને મોટો નિર્ણય લીધો છે. હવે દેશના નાગરિકોએ દર 10 વર્ષે તેમનું આધાર કાર્ડ અપડેટ કરવું પડશે. આ પછી આવા નાગરિકો જેમના આધાર કાર્ડની નોંધણી 10 વર્ષ પહેલા થઈ હતી. હવે તેઓએ આધાર કાર્ડમાં તેમની વિગતો અપડેટ કરવી પડશે.
9 નવેમ્બર, 2022 ના રોજ સરકાર દ્વારા જારી કરવામાં આવેલા નોટિફિકેશનમાં કહેવામાં આવ્યું હતું કે આધાર કાર્ડ ધારકો જેમણે આધાર નોંધણીના 10 વર્ષ પૂર્ણ કર્યા છે. તેઓએ આધાર સાથે સબમિટ કરવાના તમામ દસ્તાવેજો જેમ કે ઓળખ અને સરનામાના પુરાવા સબમિટ કરવાના રહેશે. સરકારનો પ્રયાસ છે કે આના દ્વારા આધાર કાર્ડ સાથે જોડાયેલી માહિતી અપડેટ રહે.
10 વર્ષ પછી આધારકાર્ડ પર કરવી પડશે વિગતો અપડેટ
11 નવેમ્બર 2022 નાં રોજ પીઆઈબી તરફથી કરવામાં આવેલ પ્રેસ કોન્ફરન્સમાં જણાવ્યું હતું કે એવા લોકો જેમણે આધારકાર્ડ 10 વર્ષ પહેલા કઢાવ્યું છે અને દસ વર્ષ દરમ્યાન તેઓએ કોઈ પણ વિગત અપડેટ નથી કરી તો તેઓએ જાણકારી અપડેટ કરવી પડશે.
ઓનલાઈન પણ કરી શકો છો વિગતો અપડેટ
તમને જણાવી દઈએ કે, તમે આધાર કાર્ડની વેબસાઈટ પર જઈને નામ, જન્મ તારીખ અને સરનામું તમે જાતે અપડેટ કરી શકો છો. આ માટે તમારે નીચે આપેલા સ્ટેપને ફોલો કરવા પડશે.
સૌથી પહેલા તમારે ઓફિશિયલ વેબસાઈટ uidai.gov.in પર લોગઈન કરવું પડશે.
ત્યારબાદ તમારે માય આધાર પર ક્લિક કરવાનું રહેશે.
આ પછી તમારે અપડેટ ડેમોગ્રાફિક ડેટા અને ચેક સ્ટેટસ પર ક્લિક કરવાનું રહેશે.
ત્યારબાદ એક નવું પેજ https://myaadhaar.uidai.gov.in ખુલશે.
આ પછી તમારે આધાર કાર્ડ નંબર અને પછી OTP દાખલ કરીને અપડેટ કરવું પડશે.
ત્યારપછી તમારે Proceed to Update Aadhaar પર ક્લિક કરવાનું રહેશે.
ઉદાહરણ તરીકે, જો તમે તમારું સરનામું અપડેટ કરવા માંગો છો, તો તમારી પાસે તેનો પુરાવો હોવો આવશ્યક છે, જે તમારે અપલોડ કરવાની જરૂર પડશે.
છેલ્લે, સબમિટ બટન પર ક્લિક કરતાં, એક નવું પેજ ખુલશે.
નક્કી કરેલી ફી ચૂકવ્યા પછી, તમારા દ્વારા આપવામાં આવેલી માહિતી થોડા દિવસોમાં અપડેટ કરવામાં આવશે.