ટેક્નોલોજી / વાહ… હવે ટેબલ લેમ્પ તમારી ઊંઘ પર નજર રાખશે અને ઈયરફોન બ્લડપ્રેશર પર

આ લેમ્પ વ્યક્તિની સૂવાની ટેવ મુજબ પ્રકાશ ફેંકે છે. વાંચતી વખતે પીળી લાઇટ, જાગતા હોવ ત્યારે સફેદ લાઇટ અને મ્યુઝિક વગાડે છે. તેને બનાવનાર રેસ્ટ કંપનીનો દાવો છે કે આ લાઇટ અને મ્યુઝિક માનવ મગજના વર્તનનો અભ્યાસ કરીને બનાવવામાં આવી છે. હેલ્થ પર નજર રાખતા ડિવાઇસની માંગ પણ વધી રહી છે. વેલનસૈલ કંપનીએ બ્લડ પ્રેશર માપતા ઇયરફોનના પ્રોટોટાઇપ્સ રજૂ કર્યા છે. નિષ્ણાતોના મતે કાન દ્વારા લોહીનું દબાણ સૌથી સારી રીતે માપી શકાય છે. ઉપરાંત ઇયરફોન લાંબો સમય કાન સાથે જોડાયેલા રાખી શકાય છે. જેથી બ્લડ પ્રેશરનું સતત મોનિટરિંગ થઇ શકે છે. 

ઉંઘની ગંભીર બિમારી સ્લીપ એપ્નિયામાં, દર્દીને વિશેષ દેખરેખની જરૂર હોય છે

ઉંઘની ગંભીર બિમારી સ્લીપ એપ્નિયામાં, દર્દીને વિશેષ દેખરેખની જરૂર હોય છે. હવે આ કામ રિસ્ટ વોચથી પણ થઇ શકશે. આ માટે વીથીંગ કંપનીએ સ્કેન વોચ ડિઝાઇન કરી છે. ખાસ પ્રકારના સેન્સરની મદદથી, આ વોચ શરીરમાં ઓક્સિજનની કમી શોધી શકે છે અને એલાર્મથી  જાણ કરી શકે છે.

સ્કેન વોચ ઉંઘનો સમય,તેની ગુણવત્તા અને ઉંઘ કેટલી ગાઢ આવી છે તેના પર નજર રાખે છે. પેનાસોનિક કંપનીએ અલ્ટ્રા-હાઇડેફિનેશન ક્ષમતાની સામગ્રી જોવા માટે વિશેષ વર્ચુઅલ રિયાલિટી ગ્લાસ (ગોગલ્સ) રજૂ કર્યા છે. તેની વિશેષતા એ છે કે તે 5 જી ટેક્નોલોજીને ધ્યાનમાં રાખીને બનાવવામાં આવ્યા છે. 

સેમસંગ ટીવીને પણ રોટેટ કરવાની ટેક્નોલોજી લાવ્યું છે

સ્માર્ટફોન અને ટેબ પર ફોટા અને વીડિયો જોતી વખતે તેમને રોટેટ કરવા સામાન્ય બાબત છે, પરંતુ હવે સેમસંગ ટીવીને પણ રોટેટ કરવાની ટેક્નોલોજી લાવ્યું છે. સેમસંગે સીરો ટીવી રજૂ કર્યું છે. આ ટીવીના ડિસ્પ્લેને 360 ડિગ્રી પર ફેરવી શકાય છે.લેનોવોએ સ્ક્રીન થિંકપેડ એક્સ 1 લેપટોપ રજૂ કર્યું છે, જેની સ્ક્રિનને ફોલ્ડ કરી શકાય છે.

13 ઇંચના આ લેપટોપની કિંમત લગભગ બે લાખ રૂપિયા રાખવામાં આવી છે. સીઇએસ ખાતે આશરે એનરિયલ ચશ્મા પણ રજુ કરાયા હતા. તે મિકસ્ડ રિયાલિટી ટેકનોલોજી પર આધારિત છે. ચશ્મા સાથે એન્ડ્રોઇડ ફોન  કનેક્ટ કરીને વિડિયો જોઈ શકાશે. એટલું જ નહીં તે તમારી આંખની સામે તમે 200 ઇંચના ટીવી પર વિડિયો-ફોટા જોતા હોય તેવો આભાસ ઉભો કરશે.