છેલ્લા ઘણા મહિનાઓથી જીએસટી કલેક્શનના આંકડાઓ ઉત્સાહજનક રહ્યાં છે. હવે નવેમ્બરમાં જીએસટી કલેક્શનના આંકડા આવ્યાં છે.
નવેમ્બરમાં 1,45,867 કરોડ રહ્યું GST કલેક્શન
ગયા વર્ષ કરતાં 11 ટકાનો વધારો
એપ્રિલ 2022માં સૌથી વધારે 1.68 લાખ કરોડ રહ્યું હતું
નાણાં મંત્રાલયે ગુરુવારે શેર કરેલા આંકડા મુજબ નવેમ્બર મહિનામાં જીએસટી કલેક્શન લગભગ 1.46 લાખ કરોડ રૂપિયા રહ્યું હતું, જે એક વર્ષ અગાઉના સમયગાળાની તુલનામાં 11 ટકાનો વધારો દર્શાવે છે.
નવેમ્બર 2022નું જીએસટી કલેક્શન
નાણાં મંત્રાલયે એક નિવેદનમાં જણાવ્યું હતું કે નવેમ્બર 2022 મહિનામાં એકત્રિત જીએસટીની કુલ આવક 1,45,867 કરોડ રૂપિયા છે, જેમાંથી સીજીએસટી 25,681 કરોડ રૂપિયા, એસજીએસટી 32,651 કરોડ રૂપિયા, આઇજીએસટી 77,103 કરોડ રૂપિયા (માલની આયાત પર એકત્રિત 38,635 કરોડ રૂપિયા સહિત) અને સેસ 10,433 કરોડ રૂપિયા છે (માલની આયાત પર એકત્રિત 817 કરોડ રૂપિયા સહિત) છે.
Rs 1,45,867 crore gross GST revenue collected for November 2022, records increase of 11% Year-on-Year, says the Ministry of Finance. pic.twitter.com/U13uqFbFHP
સતત નવમા મહિને જીએસટીની આવક વધી
સતત નવ મહિનાથી માસિક જીએસટીની આવક 1.4 લાખ કરોડ રૂપિયાથી વધુ રહી છે, એમ મંત્રાલયે ગુરુવારે જણાવ્યું હતું.મંત્રાલયે કહ્યું કે સરકારે નિયમિત પતાવટ તરીકે સીજીએસટીને રૂ. 33,997 કરોડ અને એસજીએસટીને રૂ. 28,538 કરોડની પતાવટ આઇજીએસટીમાંથી કરી છે. નવેમ્બર 2022 માં નિયમિત પતાવટ પછી કેન્દ્ર અને રાજ્યોની કુલ આવક સીજીએસટી માટે 59,678 કરોડ રૂપિયા અને એસજીએસટી માટે 61,189 કરોડ રૂપિયા છે. આ ઉપરાંત, કેન્દ્રએ નવેમ્બર 2022 માં રાજ્યો / કેન્દ્રશાસિત પ્રદેશોને જીએસટી વળતર તરીકે 17,000 કરોડ રૂપિયા પણ આપ્યા હતા.
નવેમ્બર 2021 કરતાં નવેમ્બર 2022માં જીએસટી કલેક્શન 11 ટકા વધ્યું
મંત્રાલયે કહ્યું કે નવેમ્બર 2022 મહિનાની આવક ગયા વર્ષના સમાન મહિનામાં જીએસટીની આવક કરતા 11 ટકા વધારે છે, જે પોતે 1,31,526 કરોડ રૂપિયા હતી. આ મહિના દરમિયાન, માલની આયાતથી થતી આવક 20 ટકા વધારે હતી અને સ્થાનિક ટ્રાન્ઝેક્શન (સેવાઓની આયાત સહિત) ની આવક ગયા વર્ષના સમાન મહિના દરમિયાન આ સ્ત્રોતોમાંથી થતી આવક કરતા 8 ટકા વધારે છે.