ચીનમાં કોરોના વાયરસ સામે લડવા માટે ચીન સરકાર સેનાને મેદાનમાં ઉતારી છે. ચીને તાત્કાલીક હોસ્પિટલ બનાવવાની સાથે સાથે લોકોને મદદ માટે લશ્કર ઉતાર્યું છે. ચીની સરકારે ખેડુતોને અપીલ કરી છે કે વધુને વધુ શાકભાજી અને અનાજ વાવે. તેમજ લોકોને માંસ ન ખાવા માટે અપીલ કરવામાં આવી છે.
ચીનના કૃષિ વિભાગનો ખેડૂતોને આદેશ
ખેડૂતો ફટાફટ શાકભાજીની ખેતીમાં જોતરાઈ જાય
કોરાના માંસાહારથી ફેલાતા માંસ ન ખાવાના ચીનનો આદેશ
ચીનના 20 જેટલા મોટા શહેરમાં માંસ ન ખાવા આદેશ
ચીન સરકારે ખેડુતોને વધુ ખેતી કરવા કહ્યું
ચીનમાં કોરોના વાયરસ સામે લડવા બાબતે કહ્યું છે કે શાકભાજીનો બને ત્યાં સુધી જમવામાં ઉપયોગ કરો. કોરોના વાયરસના કારણે ચીનમાં અત્યાર સુધી 170 લોકોના મોત નિપજ્યા છે. ત્યારે હવે તમામ પ્રયાસોમાં નિષ્ફળ રહેલી ચીન સરકારે હવે લોકોને માંસ ન ખાવા અપીલ કરી છે. બીજી તરફ સેનાને પણ લોકોના મદદ માટે ઉતારી દીધી છે. કૃષિ મંત્રીએ પણ દેશની મોટાભાગની એજન્સીઓને ખાદ્ય પૂર્તિ પૂર્ણ કરવા માટે લગાવી દીધી છે. આસપાસના દેશોમાંથી પણ ફ્રૂટ અને શાકભાજીની આયાત વધારવા માટેનો નિર્ણય લેવામાં આવ્યો છે. ચીનના 21 જેટલા શહેરોમાં માંસ ન ખાવા આદેશ કરવામાં આવ્યો છે. સાથે સાથે લોકોએ પણ માંસાહાર છોડવા કેમ્પેઈન શરું કર્યુ.
ચીનની અનેક ફ્લાઈટો રદ કરાઈ
ચીનથી અન્ય દેશોમાં ફેલાયેલા આ કોરોના વાયરસમાં અત્યાર સુધીમાં 7892 લોકો અસરગ્રસ્ત થઈ ચુક્યા છે. જેમાંથી 7771 લોકો ફક્ત વાયરસની અસર ગ્રસ્ત છે. જેમાંથી 170 જેટલા લોકો મોત નીપજ્યાં છે. અત્યાર સુધી 17 દેશોમાં ફેલાઈ ચુક્યો છે. કેટલીય આંતરરાષ્ટ્રીય એરલાઈન્સે ચીનની ફ્લાઈટો રદ કરી નાંખી છે.
આ દેશોએ ચીનને સાથ આપવાનું આશ્વાસન આપ્યું
ચીનનાં વિદેશમંત્રીએ કહ્યું છે કે , ચીન સરકાર વિદેશી નાગરિકોની સુરક્ષાનું પુરેપુરુ ધ્યાન રાખશે. ઉલ્લેખનીય છે કે બ્રિટન, ફ્રાંસ, દ. કોરિયાએ ચીનને મદદ કરવાની અપીલ કરી છે. આ તમામ દેશોએ કહ્યું કે ચીનની સાથે ખભેથી ખભો મિલાવીને કોરોના વાયરસના પ્રકોપને રોકવામાં મદદ કરીશું. આ દેશોએ મેડિકલ સુવિધાઓ પુરી પાડવા આશ્વાસન આપ્યું છે.