મહેસાણમાં ફાયર સેફ્ટી મુદ્દે નગરપાલિકા હરકતમાં આવી છે, ફાયર સેફ્ટીને લઈ નગરપાલિકાએ શહેરની 20 હાઇરાઇઝ બિલ્ડીંગોને નોટિસ ઈસ્યૂ કરી છે એટલું નહીં આગામી 5 દિવસમાં ફાયર સેફ્ટી મુદ્દે અરજી નહી કરાયા તો વીજ, પાણી અને ગટર કનેક્શન કાપી નાખવાની તાકીદ કરી છે.
મહેસાણા નગરપાલિકા આવી હરકતમાં
મહેસાણા પાલિકાના ફાયર વિભાગે ફાયર સેફ્ટીની સુવિધા નહી ધરાવતી બિલ્ડીંગોનો સર્વે કરીને તેવી બિલ્ડીંગોના માલિકોને ફાયર સેફ્ટી સુવિધા ઉભી કરવા તાકીદ કરાઈ હતી. જો કે, હજુ પણ શહેરની 23 હાઈરાઈઝ બિલ્ડીંગોમાં ફાયર સેફ્ટીની સુવિધા નહી હોવાથી ફાયર વિભાગે નોટિસ પાઠવીને 5 દિવસમાં અરજી કરવા તાકીદ કરી હતી. તેના પગલે 3 બિલ્ડીંગના માલિકોએ અરજી કરી દીધી છે. જ્યારે બાકીની 20 બિલ્ડીંગોના માલિકોએ ફાયર સેફ્ટીની સુવિધા ઉભી નહી કરીને અરજી પણ કરી નથી. તેથી 20 બિલ્ડીંગોના માલિકોને નોટિસો પાઠવી તાકીદ કરી છે.
ફાયર સેફ્ટી મુદ્દે 20 બિલ્ડીંગોને અપાઇ નોટિસ
મહત્વનું છે કે ફાયર સેફ્ટીના અભાવે રાજ્યમાં અનેક આગની ઘટનાઓ સામે આવી છે કેટલીક જગ્યાએ ફાયર સેફ્ટી નિયમોનું ઉલ્લઘન થતું હોવાનું આવી ઘટનાઓ બનતી હોય છે ફાયર સેફ્ટીના સાધનો હોવા છતા તેના ઉપગોયની સમજ પણ હોતી નથી, ફાયર સેફટી ન હોવાના કારણે હોસ્પિટલોમાં આગ લાગવાની ઘટનાઓ સામે આવી છે જેમાં કટેલાય ર્દીઓના મોત નિપજતા હતા, તંત્રની બેદરાકારીના કારણે આવી દુઘર્ટના ફરી ન બને તે માટે હવે તંત્ર એક્શનમાં આવ્યું છે.
હાઇરાઇઝ બિલ઼્ડીંગોને આપવામાં આવી નોટિસ
જેથી હવે મહેસાણામાં ફાયર સેફ્ટીની સુવિધા નહી ધરાવતી બિલ્ડીંગોના માલિકોને નોટિસ પાઠવી ફાયર સેફ્ટીની સુવિધા વિકસાવવાની તાકીદ કરી છે અને જો ફાયર સેફટીના સાધનો નહીં વિકસાવે તો કાર્યવાહી કરવાનો પણ નિર્દેશ કર્યો છે. મહેસાણા પાલિકાના ફાયર વિભાગે ફાયર સેફ્ટીની સુવિધા નહી ધરાવતી બિલ્ડીંગોનો સર્વે કરીને તેવી બિલ્ડીંગોના માલિકોને ફાયર સેફ્ટી સુવિધા ઉભી કરવા તાકીદ કરાઈ હતી.