મુંબઇ: બોલિવૂડ બોક્સ ઓફિસનો વીક એન્ડ એકદમ સ્વસ્થ રહ્યો, કેમ કે બંને રિલીઝ થયેલી ફિલ્મો 'નોટબુક' અને 'જંગલી' બોક્સ ઓફિસ પર ડૂબી ગઈ. નોટબુક મોટી ફ્લોપ ફિલ્મ સાબિત થઈ. કેમ કે ઓડિયન્સે તેમને સંપૂર્ણ રીતે નકારી લીધી. 'જંગલી'એ તેની તુલનામાં થોડુંક સારું પ્રદર્શન કર્યું, પરંતુ ઓડિયન્સ પર કોઈ પણ પ્રભાવ છોડવામાં નિષ્ફળ રહી હતી.
ટ્રેડ એનાલિસ્ટ નરેન્દ્ર ગુપ્તા કહે છે કે કોઈ પણ ફિલ્મ દર્શકોને પસંદ ન પડી, 'નોટબુક' સાવ ધોવાઈ ગઈ તેનો શરૂઆતનો વીક એન્ડ કલેકશન માત્ર ૨.૫૦ કરોડ રૂપિયા હતું. આ ફિલ્મ ૨૦ કરોડના બજેટમાં બનાવાઈ હતી અને આ ફિલ્મ આ બજેટને રિકવર કરી શકે તેની શક્યતાઓ ખૂબ જ ઓછી છે. ફિલ્મમાં કોઈ પણ ચહેરો ન હતા અને સલમાનના સમર્થન છતાં પણ ફિલ્મ ફ્લોપ થઈ હતી.
ટ્રેડનાલિસ્ટ અમોદ મહેરા કહે છે કે 'નોટબુક'ની કહાણી દર્શકોને સમજ ન પડી અને તેની સારી રીતે પ્રમોટ પણ કરાઈ ન હતી. નરેન્દ્ર ગુપ્તા કહે છે કે 'જંગલી'એ ૧૩ કરોડ રૂપિયાનું ટોટલ કલેકશન કર્યું તેનું પ્રદર્શન 'નોટબુક' કરતાં સારું રહ્યું, પરંતુ આ ફિલ્મ પણ ફ્લોપ રહી હતી. ફિલ્મ ન તો બાળકોને ગમી, ન તો મોટાઓને. હોલિવૂડ ડિરેક્ટરને લેવાનો તેમાં કોઈ કારણ ન હતું. મહેરા કહે છે કે ગરમીની રજાઓ દરમિયાન તે સારું પ્રદર્શન કરી શકતી હતી. ઉલ્લેખનીય છે કે 'કેસરી' ફિલ્મે કુલ ૧૨૫ કરોડની કમાણી કરી અને આ ફિલ્મ હીટ બની ગઈ.