IPLIN
 
  • Home
  • Gujarat
  • Ahmedabad
  • note banded Three years after, an old note of 13 lakhs found in the Sabarmati river

અમદાવાદ / નોટબંધીના 3 વર્ષ બાદ સાબરમતી નદીમાંથી મળી 13 લાખની જૂની નોટ

Team VTV 03:05 PM, 18 Apr 19
Follow us
note banded Three years after, an old note of 13 lakhs found in the Sabarmati river

પીએમ મોદીએ 8 નવેમ્બર 2016ના રોજ નોટબંધીની જાહેરાત કરી રૂ. 500-1000ની જુની ચલણી નોટો રદ કરી હતી. જોકે નોટબંધી કર્યાના લગભગ 3 વર્ષ બાદ પણ લોકો પાસે હજુ કરોડોની કિંમતની જૂની નોટો પડી છે. હવે આ લોકો પકડાઈ જવાના ડરથી નોટોથી છૂટકારો મેળવવા પ્રયાસ કરી રહ્યા છે. આજે અમદાવાદ શહેરના દૂધેશ્વર નજીક સાબરમતી નદીમાંથી રૂ. 13 લાખના 500-1000ના જૂની ચલણી નોટોના બંડલો મળ્યા હતા. 

અમદાવાદની સાબરમતી નદીમાંથી જૂની નોટ મળી આવી છે .નોટબંધી લાગુ થયાને અઢી વર્ષ બાદ પણ જૂની નોટ મળી આવતાં તપાસનો ધમધમાટ શરૂ થયો છે. નદીમાંથી 13 લાખથી વધુની જૂની નોટ મળી આવી છે. જેમાં 500 અને 1000ના દરની જૂની નોટનો સમાવેશ થાય છે.
 

સમગ્ર અહેવાલ વિશે જણાવીએ તો, અમદાવાદ શહેરના દૂધેશ્વર નજીક સાબરમતી નદીમાંથી રૂ. 13 લાખના 500-1000ના જૂની ચલણી નોટોના બંડલો મળ્યા હતા. પહેલી નજરે જોતા લાગી રહ્યું છે કે જૂની નોટો સાથે પકડાઈ જવાના ડરના કારણે કોઈ પાણીમાં ફેંકીને જતું રહ્યું હોય શકે. 

આ બંડલ કોના છે અને તેને કોણ ફેંકી ગયું? તે અંગે તપાસ ચાલી રહી છે. ઉલ્લેખનીય છે કે અત્યાર સુધીમાં ગુજરાતમાંથી ઘણી જગ્યાએ જૂની ચલણી નોટો સાથે લોકોની અટકાયત થઈ ચૂકી છે. આ પહેલા અમદાવાદમાં સહિત રાજકોટ, વડોદરા અને સુરતમાંથી કરોડોની કિંમતની જૂની નોટો પકડાઈ ચૂકી છે.

 
ahemdabad Sabarmati river
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ