ડીસાઃ ટ્રક હડતાળને લઇને મગફળીની ખરીદીનું કામ ખોરંભે ચડ્યું ટ્રાન્સપોટેશન બંધ-ખેડૂત હેરાન

બનાસકાંઠાઃ ડીસામાં મગફળીની ખરીદી અટકી છે. ટ્રકની હડતાળના કારણે ખરીદીનુ કામ અટક્યુ છે. આજ સવારથી માત્ર 2 ખેડૂતો પાસેથી મગફળીની ખરીદી કરવામાં આવી છે. બોરીના ભાડાને લઈને ટ્રાન્સપોટેશન દ્વારા હડતાળ કરવામાં આવી છે. જેના કારણે બુધવારથી ગોડાઉન પર મગફળી લઈ જવામાં આવતી નથી. હાલમાં 5 હજાર જેટલી મગફળીની બોરીનો સ્ટોક ખરીદીના કેન્દ્ર પર પડ્યો છે.

મહત્વનું છે કે થોડા દિવસ અગાઉ પણ ખરીદ કેન્દ્રો પર પુરવઠા નિગમના કે નાફેડના અધિકારીઓ હાજર ન રહેતા ખેડૂતો રઝળી પડ્યા હતા.

અત્રે ઉલ્લેખનીય છે કે રાજ્ય સરકાર દ્વારા ટેકાના ભાવે મગફળીની ખરીદીની જાહેરાત બાદથી એક બાદ એક વિવાદો સર્જાય રહ્યા છે. ખેડૂતોની હેરાનગતિ સતત વધી રહી છે. ત્યારે હવે સરકાર કેમ નરમ વલણ અપનાવી રહી છે?