મનોરંજન / વરુણ ધવન જ નહીં પણ આ 11 સેલેબ્સ પણ છે આવી ગંભીર બીમારીથી પીડિત, શાહરુખ-સલમાનને પણ છે આવી બીમારી

• વરુણ ધવન વેસ્ટિબ્યુલર હાઈપોફંક્શન મેડિકલ ડિસઓર્ડરથી પીડિત છે 
• બૉલીવુડના ઘણા સેલેબ્સ અલગ અલગ બીમારીથી પીડિત છે 
• બીમારીને કારણે મગજમાં આત્મહત્યાના વિચારો પણ આવવા લાગે 

બોલિવૂડ સ્ટાર વરુણ ધવનનું કહેવું છે કે તે વેસ્ટિબ્યુલર હાઈપોફંક્શન નામની દુર્લભ મેડિકલ ડિસઓર્ડર સામે લડી રહ્યો છે. જણાવી દઈએ કે એમને હાલમાં જ એમની આવનારી ફિલ્મ 'ભેડિયા'ના પ્રમોશન દરમિયાન એક ઈન્ટરવ્યુમાં આ વાતનો ખુલાસો કર્યો હતો. જો કે જણાવી દઈએ કે વરુણ ધવન એકલા બીમારીથી પીડિત નથી. બૉલીવુડના ઘણા સેલેબ્સ છે જેઓ વિવિધ પ્રકારની તબીબી વિકૃતિઓ સાથે સંઘર્ષ કરી રહ્યા છે. જેમાં રજનીકાંતથી લઈને શાહરૂખ ખાન, સલમાન ખાન, સામંથા રુથ પ્રભુ સહિત ઘણી જાણીતી હસ્તીઓ સામેલ છે. આજે અમે તમને સેલેબ્સ અને તેમની બીમારીઓ વિશે જણાવવા જઈ રહ્યા છીએ. 

બોલિવૂડના ભાઈજાન કહેવાતા સલમાન ખાન ટ્રાઈજેમિનલ ન્યુરલજીયા નામની બીમારીથી પીડિત છે. જણાવી દઈએ કે ટ્રાઇજેમિનલ ન્યુરલજીયા ચહેરા અને માથાની નસોમાં અસહ્ય પીડા અને બળતરાનું કારણ બને છે. થોડીક સેકન્ડથી 2 મિનિટ સુધીની આ પીડા એટલી અસહ્ય હોય છે કે લોકો તેનાથી છૂટકારો મેળવવા માટે આત્મહત્યા કરવાનું પણ વિચારવા લાગે છે સને તમને જણાવી દઈએ કે જ્યારે સલમાન ખાન આ બીમારી સાથે સંઘર્ષ કરી રહ્યા હતા ત્યારે તેના મગજમાં પણ આત્મહત્યાના વિચારો આવવા લાગ્યા હતા.

બૉલીવુડની અભિનેત્રી ઇલિયાના ડીક્રુઝે તેના બોડી ડિસમોર્ફિક ડિસઓર્ડર, ડિપ્રેશન અને એન્ઝાઈટી વિશે ઘણી વખત લોકો વચ્ચે કહી ચૂકી છે અને તેમના કહેવા પ્રમાણે આ ડિસઓર્ડરને કારણે તેમના શરીરનો આકાર થોડો વિચિત્ર દેખ્યા છે અને તેના કારણે તેમના મગજમાં આત્મહત્યાના વિચારો પણ આવે છે.

સદીના મહાનાયક અમિતાભ બચ્ચન માયસ્થેનિયા ગ્રેવિસ નામની ગંભીર બીમારીથી પીડિત છે. જણાવી દઈએ કે આ એક ઓટો-ઇમ્યુન ડિસઓર્ડર છે જે સ્નાયુઓને ખરાબ રીતે અસર કરે છે અને તેના કારણે નબળાઈ અનુભવાય છે. આ સિવાય તે લીવર સંબંધિત સમસ્યાનો સામનો કરે છે અને તેમનું લીવર 75 ટકા ડેમેજ છે અને તે 25 ટકા લીવર પર જીવી રહ્યા છે. 

અભિનેત્રી સ્નેહા ઉલ્લાલ એ ઓટો ઇમ્યુન ડિસઓર્ડરનો શિકાર છે જણાવી દઈએ કે આ એક રક્ત સંબંધિત રોગ છે જેમાં એમની પોતાની રોગપ્રતિકારક શક્તિ એમને બીમાર રાખે છે. અને આ કારણે તેણે ફિલ્મ ઈન્ડસ્ટ્રીમાંથી લાંબો બ્રેક લીધો હતો. 

સુપરસ્ટાર હૃતિક રોશન ક્રોનિક સબડ્યુરલ હેમેટોમા નામની બીમારીથી પીડિત છે, જણાવી દઈએ કે આ બીમારી મગજની ઇજાઓને કારણે થાય છે. આ બીમારીને કારણે વ્યક્તિને ઘણીવાર માથા અને કાનમાં અસહ્ય દુખાવો થવા લાગે છે.
 
આ સિવાય સોનમ કપૂર પણ લાંબા સમયથી ડાયાબિટીસથી ઝઝૂમી રહી છે. સોનમના કહેવા મુજબ તેને લાગે છે કે આ બીમારી તેને ટીનએજ થી જ છે અનેકડક ડાયટ પ્લાનને કારણે તેને આ બીમારીને કંટ્રોલમાં રાખી છે.

રોમાન્સ કિંગ કહેવાતા શાહરૂખ ખાન હાલ તેની આગામી ફિલ્મ 'પઠાણ'ના પ્રમોશનમાં વ્યસ્ત છે અને એ ફિલ્મના શૂટિંગ દરમિયાન સ્નાયુઓ ફાટવાના કારણે શાહરુખ ખાનને ઘણી સમસ્યાનો સામનો કરવો પડ્યો હતો.  એક મીડિયા રિપોર્ટ અનુસાર એ સમયે તેમને ભયંકર પીડાનો સામનો કરવો પડ્યો હતો અને જેના કારણે તે ડિપ્રેશનમાં ચાલ્યા ગયા હતા. આ સિવાય એમને પોતાના ખભાની 5 વખત સર્જરી કરાવી છે અને વર્ષોથી તે હાથ અને કમરના દુખાવા સામે લડી રહ્યો છે. કહેવાય છે કે =ગીત 'છૈયા છૈયા'ના શૂટિંગ દરમિયાન શાહરૂખને સૌથી પહેલા કમરના દુખાવાની સમસ્યા વિશે ખબર પડી હતી. 

સુપરસ્ટાર રજનીકાંતને વર્ષ 2011 માં બ્રોન્કાઇટિસ હોવાનું સામે આવ્યું હતું અને તેમને થોડો સમય ICUમાં રહેવું પડ્યું હતું.

સાઉથ ઇન્ડિયન ફિલ્મોની લોકપ્રિય અભિનેત્રી નયનતારા સ્કિન ડિસઓર્ડરથી ઝઝૂમી રહી છે જણાવી દઈએ કે એમના શરીરમાં અચાનક ફોલ્લીઓ દેખાવા લાગે છે અને તેમાંથી છુટકારો મેળવવા માટે તે આયુર્વેદિક દવાઓનો સહારો લે છે. 

સાઉથની ફિલ્મોના સુપરસ્ટાર કમલ હાસન ટાઇપ 1 ડાયાબિટીસ સામે લડી રહ્યા છે

સાઉથ ઇન્ડિયન ફિલ્મોની સામંથા રૂથ પ્રભુ 2012માં ખૂબ જ બીમાર હતી અને તેમાં તેને પોલીમોર્ફસ લાઇટ ઇરપ્શન (PLE) ચામડીનો રોગ હોવાનું સામે આવ્યું હતું અને એ બીમારીમાં સૂર્યપ્રકાશમાં આવતાની સાથે જ તેને ખૂબ જ ખંજવાળ આવે છે અને દુખાવો થવા લાગે છે. આ સિવાય તે માયોસાઇટિસ નામની અસાધ્ય બીમારીથી પીડિત છે જેમાં શરીરની માંસપેશીઓ પર બળતરા થાય છે.