IPLIN
 
  • Home
  • Entertainment
  • Bollywood
  • Not only Ranbir Kapoor, Vivek Agnihotri also likes Beef, 'The Kashmir Files' director's video goes viral amid Brahmastra boycott

બોલીવુડ / VIDEO: બીફ વિવાદ પર રણબીર કપૂર બાદ હવે કાશ્મીર ફાઇલ્સના ડાયરેક્ટરનો જ વીડિયો વાયરલ

Team VTV 03:14 PM, 08 Sep 22
Follow us
Not only Ranbir Kapoor, Vivek Agnihotri also likes Beef, 'The Kashmir Files' director's video goes viral amid Brahmastra...

'ધ કાશ્મીર ફાઇલ્સ' ફેમ ડિરેક્ટર વિવેક અગ્નિહોત્રીનો એક વીડિયો હાલ ચર્ચામાં છે, જેમાં તે કહી રહ્યા છે કે તેને બીફ પસંદ છે. હાલ આ વિડીયો પણ સોશ્યલ મીડિયા પર ખૂબ વાયરલ થઈ રહ્યો છે.

  • બીફને લઈને રણબીર કપૂરના નિવેદનને કારણે બૉયકોટની માંગ 
  • 'ધ કાશ્મીર ફાઇલ્સ' ના ડિરેક્ટર વિવેક અગ્નિહોત્રી પણ બોલ્યા હતા કઇંક આવું 
  • વિવેક અગ્નિહોત્રીનો પણ જૂનો વિડીયો વાયરલ 

રણબીર કપૂર, આલિયા ભટ્ટ અને ફિલ્મ નિર્માતા અયાન મુખર્જી એમની આવનારી ફિલ્મ બ્રહ્માસ્ત્રનું જોરશોરથી પ્રમોશન કરી રહ્યા છે. એક તરફ ફિલ્મને જોરદાર સમર્થન મળી રહ્યું છે તો બીજી તરફ બ્રહ્માસ્ત્રને બૉયકોટ કરવાની પણ વાત ચાલી રહી છે. તેની પાછળ ઘણા કારણો છે અને તેમાંથી એક છે બીફને લઈને રણબીર કપૂરનું જૂનું નિવેદન. જેના કારણે તેને ઉજ્જૈનમાં મહાકાલ બાબાના દર્શન પણ નહતા કરવા દેવામાં આવ્યા.

એવામાં હાલ થોડા સમય પહેલાનો 'ધ કાશ્મીર ફાઇલ્સ' ફેમ ડિરેક્ટર વિવેક અગ્નિહોત્રીનો એક વીડિયો હાલ ચર્ચામાં છે, જેમાં તે કહી રહ્યા છે કે તેને બીફ પસંદ છે. હાલ આ વિડીયો પણ સોશ્યલ મીડિયા પર ખૂબ વાયરલ થઈ રહ્યો છે. આ સાથે જ તેઓ ફિલ્મ બ્રહ્માસ્ત્રને લઈને કરણ જોહર અને અયાન મુખર્જીનો મજાક ઉડાવ્યો હતો એ વિડીયો પણ ઘણો વાયરલ થઈ રહ્યો છે. 

વિવેકનો જૂનો વિડીયો વાયરલ 
એક ઇંટરવ્યૂ દરમિયાન વિવેક અગ્નિહોત્રીની એક જૂની વીડિયો ક્લિપ સોશિયલ મીડિયા પર હાલ વાયરલ થઈ રહી છે.આ વીડિયોમાં વિવેક કહી રહ્યા છે કે, 'મેં એ વિશે પણ લખ્યું છે કે તમને બેસ્ટ બીફ ક્યાં મળશે, આ વિશે મેં ઘણી વસ્તુઓ લખી છે, હું પહેલા પણ ખાતો હતો અને હજુ પણ ખાઉં છું.મારા જીવનમાં કંઈ બદલાયું નથી.' હાલ આ વીડિયો સોશિયલ મીડિયા પર ઝડપથી વાયરલ થઈ રહ્યો છે. 

બ્રહ્માસ્ત્ર વિશે કહી આ વાત 
હાલ માં જ વિવેક અગ્નિહોત્રીએ અયાન મુખર્જી માટે એક ઇન્ટરવ્યુ દરમિયાન કહ્યું હતું કે, 'બ્રહ્માસ્ત્ર, શું એમને  એનો અર્થ પણ ખબર છે?અને હવે આ પછી તે એસ્ટ્રાવર્સ વિશે વાત કરી રહ્યો છે, તે શું છે? પાછી આ ફિલ્મ એ વ્યક્તિ એ બનાવી છે જે બ્રહ્માસ્ત્ર શબ્દ સારી રીતે બોલી પણ નથી શકતો. હું માનું છું કે તે એક મહાન દિગ્દર્શક છે, મને તેની વેક અપ સિડ અને અન્ય ઘણી ફિલ્મો ગમતી હતી, હું ઈચ્છું છું કે તે સારી ફિલ્મ બનાવે. પણ આવી ફિલ્મ બનાવશે એવી આશા નહતી.' 

બીફને લઈને શું બોલ્યા હતા રણબીર કપૂર 
તમને જણાવી દઈએ કે વર્ષ 2011માં પોતાની ફિલ્મ રોકસ્ટારના પ્રમોશન દરમિયાન રણબીર કપૂરે કહ્યું હતું કે તેને બીફ ખાવાનું પસંદ છે. એમને મીડિયા ઇંટરવ્યૂ દરમિયાન કહ્યું હતું કે, 'મારો પરિવાર પેશવરથી છે તો એમના માટે ઘણું પેશવર ફૂડ આવે છે. હું મટન, પાઇ અને બીફ ખાવાનો શોખીન છું.  બીફ મને સૌથી વધુ પસંદ છે. ' બ્રહ્માસ્ત્રના બૉયકોટ સમયે આ ક્લિપ સોશિયલ મીડિયા પર વાયરલ થઈ હતી, જેના પછી ફિલ્મની સાથે રણબીરનો પણ જોરદાર વિરોધ થઈ રહ્યો છે.

બ્રહ્માસ્ત્ર ધ કાશ્મીર ફાઇલ્સ રણબીર કપૂર વિવેક અગ્નિહોત્રી Ranbir Kapoor
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ