ક્રિકેટ / મોહમ્મદ સિરાજ જ નહીં, આ 5 ભારતીય બેટ્સમેન પણ ODI રેન્કિંગમાં હાંસલ કરી ચૂક્યાં છે નંબર વનનો તાજ

• આ 5 ખેલાડીઓનો પણ હતો ODI રેન્કિંગમાં દબદબો
• મનિંદર સિંહ, કપિલ દેવ સહિતનાઓનો સમાવેશ

ભારતીય ક્રિકેટર મોહમ્મદ સિરાજ ફાસ્ટ બોલર છે જેના શાનદાર પર્ફોમન્સ થકી તેની ICC ODI રેન્કિંગમાં ટોચનું સ્થાન હાંસલ કર્યું છે. ત્યારે મોહમ્મદ સિરાજ એવો પહેલો ભારતીય બોલર નથી જેણે ODI રેન્કિંગમાં ટોચનું સ્થાન મળ્યું હોય. આ સિવાય ભારતના પાંચ ખેલાડીઓનો પણ ODI રેન્કિંગમાં દબદબો રહ્યો છે. જેમાં ત્રણ પેસર (ફાસ્ટ બોલર) અને બે સ્પિનર (બોલર) નો પણ સમાવેશ થાય છે.

શાનદાર રમતના કારણે મોહમ્મદ સિરાજે ICC ODI રેન્કિંગમાં ટોચનું સ્થાન મેળવ્યું

મોહમ્મદ સિરાજે પણ તેની શાનદાર રમતના કારણે ICC ODI રેન્કિંગમાં ટોચનું સ્થાન મેળવી લીધુ છે. ન્યૂઝીલેન્ડ સામેની સીરીઝની વાત કરીએ તો તેમણે શાનદાર પર્ફોમન્સ કરીને બે મેચમાં પાંચ વિકેટ ઝડપી હતી. એટલુ જ નહીં શ્રીલંકા સામેની સીરીઝની વાત કરીએ તો પણ તેમાં પણ નવ વિકેટ ઝડપી શ્રીલંકાની ટીમની તોડી નાખી હતી કમર. જો  ODI રેન્કિંગમાં ટોચનું સ્થાન મેળવનારાની વાત કરીએ તો મહોમ્મદ સિરાજ એ પ્રથમ ખેલાડી નથી કે જેમણે ODI રેન્કિંગમાં ટોચનું સ્થાન મેળવ્યું હોય. તેના સિવાય અન્ય પાંચ ખેલાડી પણ ટોચનું સ્થાન મેળવી ચૂક્યા છે. 

 મનિંદર સિંહ: ICCની ODI રેન્કિંગમાં મનિંદર સિંહ સૌપ્રથમ ભારતીય ખેલાડી હતા જેમણે ટોચનું સ્થાન હાંસલ કર્યું હતુ. લેફ્ટી સ્પિનર મનિંદર વર્ષ ૧૯૮૭માં 28.47ની સરેરાશથી 30 વન ડે ઈન્ટરનેશનલ મેચમાં વિકેટ લીધી હતી. તેમણે ૫૯ વનડેમાં ૬૬ વિકેટ લીધી હતી. જો કે તેમની આંતરરાષ્ટ્રીય કારકીર્દી લાંબી ચાલ ન હતી.

કપિલ દેવઃ ભારતને પ્રથમ વર્લ્ડ કપ અપવનાર એવા કપિલ દેવ પણ ICCની ODI રેન્કિંગમાં ટોપનું સ્થાન હાંસલ કરી ચૂક્યા છે. તેમણે ૮૦-૯૦ ના દાયકામાં વનડેમાં શાનદાર પર્ફોમન્સ કર્યુ હતુ. વર્ષ ૧૯૮૮માં ૨૨.૧૪ની એવરેજથી ૨૧ વિકેટ લીધી હતી. અને તેઓ વર્ષ ૧૯૮૯માં ODI રેન્કિંગમાં પ્રથમ નંબર પર પહોચી ગયા હતા. તેમજ કેટલાક ક્રિકેટરોના રોલ મોડલ પણ બન્યા હતા.

અનિલ કુંબલેઃ વનડે મેચમાં સૌથી વધુ વિકેટ લેવાનો રેકોર્ડ અનિલ કુંબલેના નામે છે. તેઓ વર્ષ ૧૯૯૬માં ODI બોલિંગ રેન્કિંગમાં ટોચ પર રહ્યા હતા. તેમણે વર્ષ ૧૯૯૬માં ૨૦.૨૪ની એવરેજથી ૬૧ વિકેટ ઝડપી હતી. 71 વનડેમાં 337 વિકેટ અનિલ કુંબલેના નામ પર છે.

રવિન્દ્ર જાડેજાઃ વર્ષ ૨૦૧૩માં રવિન્દ્ર જાડેજાએ શાનદાર પર્ફોમન્સ કર્યું હતુ. જેના કારણે ઓગષ્ટ ૨૦૧૩માં બોલીંગ રેકિંગમાં ટોચના સ્થાન પર તેમના નામનો સમાવેશ થયો હતો. તેમણે ૨૫.૪૦ની એવરેજથી ૫૨ વિકેટ લીધી છે. તે જ વર્ષે રવિન્દ્ર જાડેજાએ આઈસીસી ચેમ્પિયન્સ ટ્રોફીમાં ભારતની ટીમને ખિતાબ જીતાડવા માટે મહત્વની ભૂમિકા ભજવી હતી.

જસપ્રિત બુમરાહ: જસપ્રિત બુમરાહને યોર્કરના કિંગ ગણવામાં આવે છે. તેઓ અત્યાર સુધીમાં બે વાર ODI બોલિંગ રેટિંગમાં ટોચ પર રહી ચૂક્યો છે. વર્ષ ૨૦૧૮માં પ્રથમ વખત આ સિદ્ધી તેમણે હાંસલ કરી હતી. ત્યાર બાદ વર્ષ ૨૦૨૨માં તેમણે ટોચનું સ્થાન હાંસલ કર્યુ હતુ.