જીમમાં કસરત કરવા જનારા યુવાનોમાંથી મોટા ભાગના યુવાનો સિક્સ પેક બનાવવાની ઈચ્છા રાખે છે.
સિક્સ પેક એબ બનાવવાની ઇચ્છા છે?
ફક્ત જીમ કરવાથી ન બને સિક્સ પેક
ખોરાકમાં પણ ધ્યાન રાખવુ જરૂરી છે
સિક્સ પેકની ચાહતને પૂરી કરવા તેઓ મોટાભાગનો સમય જિમમાં ગાળે છે. ખૂબ પરસેવો પાડે છે, છતાં પણ સફળતા મળતી નથી. માત્ર કસરતથી સિક્સ પેક બનતા નથી. ડાયટમાં પણ ધ્યાન રાખવું પડે છે. સિક્સ પેક માટે ડાયટમાં કેટલીક વસ્તુઓ શામેલ કરવી જોઈએ.
ઈંડાં ખાવ
જે યુવાનોને સિક્સ પેક બનાવવા છે, તેઓએ ભોજનમાં ઈંડાં જરૂર લેવાં જોઈએ. ઈંડાંમાં ભરપૂર પ્રમાણમાં પ્રોટીન હોય છે. જે શરીર માટે ખૂબ જરૂરી છે. જો તમે શાકાહારી હોવ તો તમારે પનીર અથવા દાળ જેવો ખોરાક લેવો જોઈએ.
લીલાં શાકભાજી ખાવ
ઘણા બધા યુવાનોને લીલાં શાકભાજી ખાવામાં કોઈ રસ જ નથી. પરંતુ સિક્સ પેક બનાવવા ભોજનમાં લીલાં શાકભાજી ઉમેરવા જરૂરી છે. શરીર માટે અતિઆવશ્યક પોષક તત્વો લીલાં શાકભાજીમાં હોય છે. જે સિક્સ પેક બનાવવા મદદરૂપ થાય છે.
દહીંને ખોરાકમાં સામેલ કરો
દહીંમાં રહેલા પોષક તત્વો શરીર સુદ્રઢ બનાવવા મદદરુપ થશે. ફિટનેસ માટે કસરત કરતા અને પોતાના સ્વાસ્થ્યની કાળજી રાખનાર લોકોએ પણ દહીંને ખોરાકમાં સામેલ કરવો જોઈએ.
અનાજ ખાવ
જે યુવાનો લાંબા સમયથી સિક્સ પેક એબ બનાવવા માટે કલાકો સુધી જિમમાં કસરત કરતા હોય, તેમણે આખું અનાજ ખાવું જોઈએ. ફણગાવેલાં અનાજ પણ ખાઈ શકાય.
ઓટ્સ ખાવ
પોતાનાં ભોજનમાં ઓટ્સને પણ સામેલ કરવા જોઈએ. ઈંડાં, લીલાં શાકભાજી અને દહીંની જેમ ઓટ્સ પણ સિક્સ પેક એબ્સ બનાવવા મદદગાર થશે. આમ તો ઓટસનું સેવન દરેક લોકોએ કરવું જોઈએ.
કેળાંનું સેવન કરો
સિક્સ પેક બનાવવા ઇચ્છતા લોકોએ કેળાંને ડાયટમાં સામેલ કરવાં જ જોઈએ. એવા લોકોએ પણ કેળાં ખાવાં જોઈએ, જેઓ પોતાને તંદુરસ્ત રાખવા માગે છે.
ભરપૂર પ્રમાણમાં પાણી પીવો
યુવાનો પાણી વધુ પીવાથી દૂર ભાગે છે. તરસ લાગે તો પાણી પીવાનાં સ્થાને ઠંડાં પીણાં પીવે છે. પરંતુ પાણી પીવું શરીર માટે ખૂબ જ જરૂરી છે. જે લોકો જિમ જાય છે તેમને તો પાણી ખૂબ પીવું જોઈએ.