ભયાવહ / ઠંડીથી જ નહિ, આ કારણે પણ થથરે છે રાજધાની દિલ્હી, છેલ્લા 24 કલાકમાં 24,383 નવા કેસથી હાહાકાર

• દિલ્હીમાં વધતા કોરોનાથી ફફડાટ 
• છેલ્લા 24 કલાકમાં 24,383 નવા કેસ
• સક્રિય દર્દીઓની સંખ્યા 92,273 પર 

દિલ્હીમાં કોરોના સંક્રમણનાં કેસ ઓછા થવાનું નામ નથી લઇ રહ્યા.છેલ્લા 24 કલાકમાં 24,383 નવા કેસ નોંધાતા હાહાકાર મચી ગયો છે. તો 34 લોકોએ જીવ ગુમાવ્યા છે. મોટી સંખ્યામાં થતા મોત થી હવે મૃત્યુના આંકડાઓ ડરાવી રહ્યા છે. દિલ્હીમાં કોરોના પોઝીટીવીટીનો દર 30.64ટકાએ પહોચ્યો છે .પ્રતિ દિન મોટી સંખ્યામાં કેસ સામે આવતા ચિંતા એકદમ વધી ગઈ છે. દિલ્હી સરકારનાં સ્વાસ્થ્ય વિભાગ દ્વારા અપાયેલા આંકડા મુજબ 14 જાન્યુ.એ 24,383 કેસ નોંધાયા છે. 

દિલ્હીમાં આજે નોંધાયેલા કોરોના સંક્રમણનો દર 1 મે પછી સૌથી વધારે છે . ગત મે મહિનાની પહેલી તારીખે સંક્રમણ દર 31.61 હતો. રાજધાની દિલ્હીમાં કોરોના સક્રિય દર્દીઓની સંખ્યા 92,273  થઇ છે.છેલ્લા 24 કલાકમાં 34 દર્દીઓએ જીવ ગુમાવ્યા છે. જે ચિંતાનો વિષય છે. રાજધાનીમાં અત્યાર સુધી કોરોનાથી મૃત્યુ થનારની સંખ્યા 25,305 પર પહોચી છે. 

કોરોના રીકવરી દર 92.96

દિલ્હીમાં હોમ આઈસોલેશનમાં અત્યારે 64,831 દર્દીઓ પોતાનો ઈલાજ કરાવી રહ્યા છે.કોરોનાનાં એક્ટીવ કેસનો દર 5.52 ટકા છે.જ્યારે રીકવરી દર 92. 96 ટકા છે. 24 કલાકમાં સામે આવેલા 24,383 કેસ બાદ હવે કુલ સંક્રમિત દર્દીઓની સંખ્યા 16,70,966 પર પહોચી છે. તો 26,236 દર્દીઓને રજા આપવામાં આવી છે. અત્યાર સુધીમાં કુલ 15,53,388 સંક્રમિત દર્દીઓ સંપૂર્ણ સ્વસ્થ થયા છે. 

છેલ્લા 24 કલાકમાં 79.578 કોરોના ટેસ્ટ 

વધતા સંક્રમણ વચ્ચે ટેસ્ટીંગ પણ વધારી દેવામાં આવ્યું છે. છેલ્લા 24 કલાકમાં કુલ 79,578 ટેસ્ટ કરવામાં આવ્યા છે. જે બાદ ટેસ્ટનો આંકડો 3,39,26,818 થયો છે વધતા સંક્રમણ વચ્ચે દિલ્હીમાં અત્યારે 27,531 કન્ટેન્ટમેંટ ઝોન બનાવાયા છે. દિલ્હીમાં આજે કોરોના સંક્રમિત ત્રણ બાળકોના મોત થયા હતા. જેઓ અલાગ-અલગ તારીખે સારવાર માટે હોસ્પિટલમાં દાખલ થયા હતા.