કોરોના યુગમાં, આ વર્ષે વિશ્વની સૌથી મોંઘી ટી 20 લીગ IPL તેના શેડ્યૂલના છ મહિના પછી UAE યોજાઇ છે. IPL ના સંસ્કરણમાં 10 નવેમ્બરના રોજ ટાઇટલ મેચ રમવામાં આવશે. ટૂર્નામેન્ટની સમાપ્તિ બાદ હવે પછીની સીઝનમાં પણ IPL નું આયોજન કઈ રીતે થશે તે માટે ચર્ચાઓનું બજાર ગરમ થઈ ગયું છે ત્યારે BCCI ના વડા સૌરવ ગાંગુલીએ ઘણા સવાલોના જવાબો આપ્યા હતા.
મહિલા ક્રિકેટ માટે અલગ IPL ની યોજના
આગામી IPL નું આયોજન ભારતમાં જ થશે : સૌરવ ગાંગુલી
સૌરવ ગાંગુલીના મતે ફરીથી ઘરેલુ ક્રિકેટ ચાલુ થઈ જશે
BCCI ચીફ સૌરવ ગાંગુલી ના જણાવ્યા અનુસાર, IPL ની આગામી સીઝન એપ્રિલ-મે મહિનાના સમયપત્રક પ્રમાણે જ યોજાશે, જેનું આયોજન ભારતમાં જ કરવામાં આવશે. ઈંગ્લેન્ડ સામેની દ્વિપક્ષીય શ્રેણી પણ ફેબ્રુઆરીમાં ભારતીય ભૂમિ પર યોજવામાં આવશે.
ભારતમાં આગામી IPL ના આયોજન માટે તૈયાર : ગાંગુલી
એક ખાનગી મીડિયા હાઉસ સાથેની ખાસ વાતચીતમાં સૌરવ ગાંગુલી એ આત્મવિશ્વાસ દર્શાવતા કહ્યું કે અમે કોઈ પણ સંજોગોમાં IPL ની આગામી સીઝનનું આયોજન ભારતમાં કરવા માટે તૈયાર છીએ.
વર્તમાન IPL ના અંતે ભારતીય ક્રિકેટ ટીમ ઓસ્ટ્રેલિયાની મુલાકાત લેશે. ત્યારબાદ ઈંગ્લેન્ડની ટીમ ભારતના પ્રવાસે આવે તેવુ આયોજન છે. સૌરવ ગાંગુલી એ કહ્યું કે અમે આ બધા આયોજન માટે બાયો બબલનું નિર્માણ કરીશું.
ફરીથી શરૂ થશે ઘરેલુ ક્રિકેટ : BCCI ચીફ
સાથે સૌરવ ગાંગુલી એ વધુમાં જણાવ્યું હતું કે "ઘરેલુ ક્રિકેટ ફરી દેશમાં શરૂ થશે. રણજી ટ્રોફી યોજાશે. ગોવા નવેમ્બરમાં ઈન્ડિયન સુપર લીગ ફૂટબોલનું આયોજન કરશે. પૂર્વ ભારતીય કેપ્ટન એ આ સાથે જ મહિલા IPL ના આયોજન વિશે પણ વાતચીત કરી હતી.
દેશમાં મહિલા ક્રિકેટ ને પ્રોત્સાહન આપવા માટે એક અલગ ઇન્ડિયન પ્રીમિયર લીગ IPL યોજવાની પણ યોજના છે. આ વખતે ત્રણ ટીમોએ ભાગ લીધો છે. આગળના કેટલાક વર્ષોમાં, આ IPL માં સાત થી આઠ ટીમો ભાગ લઈ શકે તે પ્રકારના આયોજનની પણ ગાંગુલી વાત કરી હતી.
મહિલા ક્રિકેટનો પણ ચાહકોમાં ક્રેઝ છે : સૌરવ ગાંગુલી
દાદાના હુલામણા નામથી પ્રસિદ્ધ સૌરવ ગાંગુલી એ એમ પણ કહ્યું કે આ વર્ષે ઓસ્ટ્રેલિયા માં યોજાનારી મહિલા વર્લ્ડ ટી 20 ની ફાઇનલમાં 80,000 જેટલા દર્શકો નોંધાઈ ચૂક્યા છે. જે કહેવા માટે પૂરતું છે કે ચાહકોમાં મહિલા ક્રિકેટ નું પોતાનું અસ્તિત્વ છે.