તારક મહેતા કા ઉલ્ટા ચશ્મા છેલ્લા 13 વર્ષથી દર્શકોના દિલ પર રાજ કરી રહ્યો છે. ત્યારે આજે અમે તમને જણાવીશું કે રિયલમાં કોણ જેઠાલાલની દુકાન ગડા ઈલેક્ટ્રોનિક્સના માલિક છે.
જેઠાલાલની ફેન ફોલોઈંગ જબરદસ્ત છે
જેઠાલાલની દુકાન મુંબઈના ખારમાં આવેલી છે
ગડા ઈલેક્ટ્રોનિક્સના રિયલ માલિક શેખર ગડિયાર છે
હકીકતમાં શોના લીડ કેરેક્ટર જેઠાલાલનો એક શોરૂમ બતાવ્યો છે. જેનું નામ ગડા ઈલેક્ટ્રોનિક્સ છે. તેમની આ શોપ કોઈ શૂટિંગ સેટ નથી પરંતુ રિયલમાં ઈલેક્ટ્રોનિક્સની દુકાન જ છે. બસ ફરક એટલો છે કે આ દુકાનના માલિક જેઠાલાલ નથી.
શોમાં નટ્ટુ કાકા અને બાઘા ગડા ઇલેક્ટ્રોનિક્સમાં કામ કરે છે. આ સાથે જ એક પાત્ર મગન પણ છે જે ક્યારેક ક્યારેક દુકાનમાં જોવા મળે છે. જેઠાલાલ દરરોજ દુકાન માટે તૈયાર થઈને ઓટોમાં નીકળી પડે છે, પણ શું તમને ખબર છે કે આ દુકાન ખરેખર મુંબઇના ખારમાં આવેલી છે.
શેખર ગડિયાર રિયલ માલિક છે
આ દુકાનના અસલી માલિકનું નામ શેખર ગડિયાર છે. શેખરે આ દુકાન શોના મેકર્સને ભાડે આપી છે. શેખર કહે છે કે અગાઉ આ દુકાનનું નામ શેખર ઇલેક્ટ્રોનિક્સ હતું, પરંતુ શૂટિંગ પછી જ્યારે આ દુકાન ગડા ઇલેક્ટ્રોનિક તરીકે પ્રખ્યાત થઈ, તેણે તેનું નામ બદલીને ગડા ઇલેક્ટ્રોનિક રાખ્યું.
લોકો ફોટો પાડવા આવે છે
ગડા ઇલેક્ટ્રોનિકના માલિક શેખર ગડિયાર કહે છે કે અગાઉ તે દુકાન ભાડે આપવાથી ડરી રહ્યો હતો, તેને ડર હતો કે શૂટિંગમાં દુકાનને કોઈ નુકસાન ન થાય, પણ એવું કંઈ ન થયું. આ લોકો ખૂબ જ કાળજીપૂર્વક શૂટ કરે છે. શોના કારણે હવે ગ્રાહકો કરતા વધુ પર્યટકો દુકાન પર આવવા લાગ્યા છે, જે અહીં આવે છે તે ફોટા લેવાનું ભૂલતા નથી.