બોલિવૂડ / 'પરણીત મહિલાઓમાં રસ નથી', એક્ટ્રેસ ચાહત ખન્નાને સંભળાવતા બોલ્યો બેશરમ મહાઠગ સુકેશ

• મહાઠગ સુકેશ ચંદ્રશેખર ફરી એકવાર ચર્ચામાં
• સુકેશે એક નિવેદનમાં અભિનેત્રી ચાહત ખન્નાના દાવાની નિંદા કરી
• સુકેશે તેને તિહાર જેલમાં પ્રપોઝ કર્યું હતુંઃચાહત

 મહાઠગ સુકેશ ચંદ્રશેખર ફરી એકવાર ચર્ચામાં છે. સુકેશે શનિવારે એક નિવેદનમાં અભિનેત્રી ચાહત ખન્નાના દાવાની નિંદા કરી હતી. તમને જણાવી દઈએ કે ભૂતકાળમાં ચાહત ખન્નાએ એક ઈન્ટરવ્યુ દરમિયાન કહ્યું હતું કે જ્યારે તે સુકેશને મળવા ગઈ હતી. ત્યારે તેને ખબર નહોતી કે તે તિહાર જેલમાં છે. ચાહતે એમ પણ કહ્યું હતું કે સુકેશે તેને તિહાર જેલમાં પ્રપોઝ કર્યું હતું. ચાહત ખન્નાના આ દાવા પર સુકેશે કહ્યું કે ચાહત કંઈ 10 વર્ષની બાળકી નથી. જેને ખબર નથી કે જેલ કેવી છે.
હાલમાં જ ચાહત ખન્નાએ એક ઈન્ટરવ્યુ આપ્યો હતો. ચાહતે ઈન્ટરવ્યુમાં કહ્યું હતું કે જ્યારે તે સુકેશને મળવા ગઈ હતી. ત્યારે તેને ખબર નહોતી કે તે તિહાર જેલ છે.  ચાહતના આ દાવાઓ પર સુકેશે કહ્યું કે 'કોઈને એશિયાની સૌથી સુરક્ષિત જેલમાં કેવી રીતે ઘૂસવાની ફરજ પાડી શકાય. ઘણા સુરક્ષાકર્મીઓ તિહાર જેલના ગેટની રક્ષા કરે છે. ચાહત કંઈ 10 વર્ષની છોકરી નથી. જો તેને ફસાવવામાં આવી હોય તો તેણે તેની ફરિયાદ કેમ ન કરી?
ચાહત ખન્ના પહેલા મહાઠગ સુકેશ ચંદ્રશેખર સાથે જેકલીન ફર્નાન્ડીઝ અને નોરા ફતેહીનું નામ પણ જોડાઈ ચૂક્યું છે. ચાહતના દાવા પર સુકેશે કહ્યું કે 'મને પરિણીત મહિલાઓમાં રસ નથી.  જે મહિલાઓને બાળકો હોય તેમને ડેટ કરવામાં મને રસ નથી.
ચાહત ખન્નાએ ઈન્ટરવ્યુમાં સુકેશની મિત્ર પિંકી પર આરોપ લગાવ્યો હતો કે તેને ફસાવીને પિંકીને તિહાર જેલમાં લઈ ગઈ હતી.ચાહતની આ વાત પર સુકેશે કહ્યું કે ચાહત ખોટું બોલી રહી છે.  જણાવી દઈએ કે સુકેશ ચંદ્રશેખર ઘણા લોકોને છેતરવાના આરોપમાં જેલમાં બંધ છે.