મધ્યપ્રદેશના સિંગરૌલીમાં એમ્બ્યુલન્સ ન મળતાં, 7 વર્ષનો માસૂમ બાળક તેના પિતાને ત્રણ કિલોમીટર દૂર હાથગાડીમાં લઈને હોસ્પિટલ પહોંચ્યો, જેનો વીડિયો હવે વાયરલ થઈ રહ્યો છે.
MP સરકારની ખુલી પોલ
લારીમાં દર્દી પિતાને હોસ્પિટલે પહોંચાડ્યા
MP સરકાર પર માછલા ધોવાયા
મધ્યપ્રદેશના સિંગરૌલીમાં ફરી એકવાર આરોગ્ય વિભાગની અવ્યવસ્થા જોવા મળી છે. એમ્બ્યુલન્સ ન મળવાને કારણે દર્દીની પત્ની અને 7 વર્ષનો માસૂમ પુત્ર પિતાને હાથલારીમાં સુવડાવી 3 કિલોમીટર ચાલીને હોસ્પિટલ લઈ ગયો હતો. જેનો વીડિયો હવે વાયરલ થઈ રહ્યો છે. વીડિયો સામે આવ્યા બાદ આ મામલે તપાસના આદેશ આપવામાં આવ્યા છે.
ત્રીસ મિનિટ પછી પણ એમ્બ્યુલન્સ પહોંચી ન હતી
મળતી માહિતી મુજબ કોતવાલી પોલીસ સ્ટેશન વિસ્તારના બલિયારીમાં રહેતા શાહ પરિવારનો એક વ્યક્તિ અચાનક બીમાર થઈ ગયો. આ પછી સંબંધીઓએ 108 એમ્બ્યુલન્સ સેવાને ફોન કરીને જાણ કરી હતી, પરંતુ ત્રીસ મિનિટ પછી પણ એમ્બ્યુલન્સ પહોંચી ન હતી.
આ દરમિયાન દર્દીની હાલત ગંભીર બની હતી, ત્યારબાદ પત્ની અને 7 વર્ષનો પુત્ર તેની નજીકમાં ઉભેલી હાથલારી પર સુવડાવીને તેના પિતાના લગભગ 3 કિલોમીટર દૂર હોસ્પિટલ લઈ ગયા અને તેમને ટ્રોમા સેન્ટરમાં દાખલ કર્યા.
एमपी में स्वास्थ्य व्यवस्था फिर शर्मसार
अपने बीमार पिता को ठेले पर लिटाकर अस्पताल पहुंचा छह साल का बालक
मोदी जी का विश्व गुरु बनने वाला यह मध्य प्रदेश डबल इंजन की सरकार जनता को सड़कों पर लाकर छोड़ दिया है
બેદરકારી દાખવનારાઓ સામે કોઈ કાર્યવાહી કરવામાં આવી નથી.
દર્દીની પત્ની અને તેનો પુત્ર જ્યારે બીમાર વ્યક્તિને હાથલારી પર સુવડાવીને સરકારી દવાખાને લઈ જઈ રહ્યા હતા ત્યારે રસ્તામાં કોઈએ તેમનો વીડિયો બનાવીને સોશિયલ મીડિયા પર વાયરલ કર્યો હતો. જો કે આ પહેલો કિસ્સો નથી જ્યારે આવી બેદરકારીની તસવીર સામે આવી હોય, આ પહેલા પણ સિંગરૌલી જિલ્લામાંથી આવા અનેક કિસ્સા સામે આવ્યા છે, તો પણ બેદરકારી દાખવનારાઓ સામે કોઈ કાર્યવાહી કરવામાં આવી નથી.
આ બાબતે સિંગરૌલીના એડિશનલ કલેક્ટર ડીપી બર્મનનું કહેવું છે કે એમ્બ્યુલન્સ ન મળવાને કારણે દર્દીને તેની પત્ની અને માસૂમ પુત્ર હાથલારીમાં હોસ્પિટલમાં લઈ જવાનો વારો આવ્યો. ત્યારે આ દર્દીને એમ્બ્યુલન્સ કેમ ન મળી શકી તે જાણવા માટે સિવિલ સર્જન અને CMHOને નિર્દેશ આપવામાં આવ્યો છે. તપાસ બાદ જે પણ દોષિત જણાશે તેની સામે કાર્યવાહી કરવામાં આવશે.