ખુલાસો / એક પણ રૂપિયો મારો નથી, જપ્ત થયેલા તમામ 50 કરોડ પાર્થ ચેટર્જીનાં, અર્પિતાએ કર્યો ધડાકો

• અર્પિતા મુખર્જીએ EDનાઅધિકારીઓની સમક્ષ મોટો ખુલાસો કર્યો
• અર્પિતા મુખર્જીએ કહ્યું  આ પૈસા પાર્થ ચેટરજીના છે
• EDએ શનિવારે પાર્થ ચેટરજીની ધરપકડ કરી હતી

 અર્પિતા મુખર્જીએ EDનાઅધિકારીઓની સમક્ષ મોટો ખુલાસો કર્યો

પશ્ચિમ બંગાળમાં SSC કૌભાંડ મામલે એન્ફોર્સમેન્ટ ડિરેક્ટોરેટ (ED)ની કાર્યવાહીનો સામનો કરી રહેલા પાર્થ ચેટરજીની નજીકની સહયોગી અર્પિતા મુખર્જીએ EDના અધિકારીઓની પૂછપરછ દરમિયાન મોટો ખુલાસો કર્યો છે. અર્પિતા મુખર્જીએ કહ્યું છે કે દરોડા દરમિયાન રિકવર કરાયેલા 50 કરોડ રૂપિયા પાર્થ ચેટરજીના છે અને મેં આ પૈસાનો ઉપયોગ પણ કર્યો નથી. અર્પિતાએ કહ્યું કે મને ખબર નથી કે આ પૈસા ક્યાંથી આવ્યા અને કેવી રીતે કમાયા. અર્પિતા મુખર્જીના આ ખુલાસા બાદ હવે ED અર્પિતા મુખર્જી અને પાર્થ ચેટરજીને સામસામે બેસીને પૂછપરછની તૈયારી કરી રહી છે. અર્પિતાનું કહેવું છે કે પાર્થના લોકો તેના ઘરમાં પૈસા લઈને છોડી જતા હતા. મને તે રૂમમાં પ્રવેશવા દેવામાં આવ્યો ન હતો. અર્પિતાએ એમ પણ જણાવ્યું કે કબાટના તાળાનો ઉપયોગ તેનો માણસ પણ કરતો હતો.

ED is carrying out search operations at various premises linked to recruitment scam in the West Bengal School Service Commission and West Bengal Primary Education Board. pic.twitter.com/i4dP2SAeGG

— ED (@dir_ed) July 22, 2022

EDને અર્પિતા પાસેથી અત્યાર સુધી શું મળ્યું?

તમને જણાવી દઈએ કે ED અધિકારીઓએ અત્યાર સુધીમાં અર્પિતા મુખર્જીના બે ફ્લેટમાંથી 50.36 કરોડ રૂપિયા રોકડા રિકવર કર્યા છે. ગયા અઠવાડિયે EDએ દરોડા દરમિયાન 21.9 કરોડ અને આજે 27.9 કરોડ જપ્ત કર્યા છે. આ સિવાય EDએ 56 લાખ રૂપિયાનું વિદેશી ચલણ પણ રિકવર કર્યું છે. EDએ આજે  સોનાની ઈંટો જવેરાત સહિત 4.31 કરોડનું સોનું જપ્ત કર્યું હોવાનું જાણવા મળ્યું છે. જ્યારે ગત સપ્તાહે 76 લાખનું સોનું જપ્ત કરવામાં આવ્યું હતું. એટલે કે EDએ અત્યાર સુધીમાં બે દરોડામાં 50.36 કરોડ રોકડ અને 5.07 કરોડનું સોનું રિકવર કર્યું છે. કુલ મળીને ED પાસે અત્યાર સુધીમાં 55.43 કરોડની સંપત્તિ છે. મહત્વનું છે કે, અર્પિતા મુખર્જી રાજ્યના ઉદ્યોગ પ્રધાન પાર્થ ચેટરજીની નજીક હોવાનું માનવામાં આવે છે, જેમની એજન્સી દ્વારા આ જ કેસમાં ધરપકડ કરવામાં આવી છે.

EDએ શનિવારે પાર્થ ચેટરજીની ધરપકડ કરી હતી

ઉલ્લેખનીય છે કે, સરકારી શાળાઓ અને અનુદાનિત શાળાઓમાં કથિત શિક્ષક ભરતી કૌભાંડ સમયે પાર્થ ચેટર્જી શિક્ષણ વિભાગનો હવાલો સંભાળતા હતા. બાદમાં તેમની પાસેથી આ વિભાગ લેવામાં આવ્યો હતો. એન્ફોર્સમેન્ટ ડિરેક્ટોરેટે શનિવારે આ કેસમાં તેની ધરપકડ કરી હતી. એન્ફોર્સમેન્ટ ડિરેક્ટોરેટ શાળા સેવા આયોગ દ્વારા શિક્ષકોની ભરતીમાં કથિત અનિયમિતતાના આરોપોની તપાસ કરી રહ્યું છે.