ભાગેડું લિકર કિંગ વિજય માલ્યાને ચોર કહેવા પર કેન્દ્રીય પ્રધાન નીતિન ગડકરીએ ઇતેફાક રાખતા નથી. નીતિન ગડકરીએ કહ્યું કે મારુ માનવુ છે કે એક વખત દેવુ નહીં ચુકવનાર વિજય માલ્યાજીને 'ચોર' કહેવું અયોગ્ય છે.
કેન્દ્રીય પ્રધાને કહ્યું કે ચાર દાયકા સુધી નિયમિત સમયસર લોન ચુકવવાનો રેકોર્ડ છે. જો કે નીતિન ગડકરીએ કહ્યું કે તેમના વિજય માલ્યા સાથે કોઇપણ પ્રકારના વેપારી સંબંધ નથી. ઉલ્લેખનીય છે કે બ્રિટેનની કોર્ટે વિજય માલ્યાને ભારતને સોંપવાનો નિર્દેશ કર્યો છે.
વિજય માલ્યા પર 9000 કરોડ રૂપિયાનો મની લોન્ડ્રિંગનો આરોપ છે. એક મળતાં અહેવાલ મુજબ ગડકરીએ કહ્યું કે 40 વર્ષ સુધી વિજય માલ્યાએ નિયમિત ચૂકવણી કરી હતી વ્યાજ પણ ભર્યું હતું. જો પચાસ વર્ષ સુધી વ્યાજ ભરે તે ઠીક પણ જો એક વખત ડિફોલ્ટ થઇ જાય તો તરત બધા ફ્રોડ થઇ ગયા? આ માનસિકતા ઠીક નથી.
નીતિન ગડકરીએ જણાવ્યું કે તેઓ જે લોનની વાત કરી રહ્યાં છે તે મહારાષ્ટ્ર સરકારના એકમ સિકોઇ દ્વારા માલ્યાને આપવામાં આવી હતી. આ લોન 40 વર્ષ પહેલા આપવામાં આવી હતી. આ લોન વિજય માલ્યાએ કોઇપણ અડચણ વગર ચૂકવી દીધી હતી.