આજે અમે તમને એવા કેટલાક દેશો વિશે જણાવવા જઈ રહ્યા છીએ જ્યાં રોડ ટ્રિપ લઈને તમે ફરવા લઈ શકો છો.
રોડ ટ્રીપ્સમાં એક અલગ પ્રકારની મજા અને અનુભવ મળે છે
ભારતમાંથી વિદેશમાં પણ રોડ ટ્રીપ લઈ શકાય છે
પાસપોર્ટ કે વિઝા વીના તમે આ દેશોમાં રોડ ટ્રીપ કરી શકો છો
કામથી બ્રેક લઈને દરેક લોકો ફરવા જવા માંગે છે અને ફરવા જવામાં એ ખાસ રોડ ટ્રીપ્સમાં એક અલગ પ્રકારની મજા અને અનુભવ મળે છે. રોડ ટ્રીપ દ્વારા કોઈ પણ વ્યક્તિ રસ્તાઓ અને પ્રકૃતિની સુંદરતાને વધુ નજીકથી જોઈ શકો છો પણ એ સામે ફ્લાઈટ અને ટ્રેનમાં મુસાફરી કરીએ તો તેમાં તમને તમામ સુવિધાઓ મળે છે અને જલ્દી પંહોચી પણ જાઓ છો પણ રોડ ટ્રીપમાં જે અનુભવ મળે છે તેવો અનુભવ તેમાં નહીં મળતો. ભારતમાં લોકો એક શહેરથી બીજા શહેરમાં જવા માટે રોડ ટ્રીપ કરતાં હશે એ તો આપણે બધા જાણીએ છીએ અને તમે લોકો ઘણી વખત ગયા પણ હશો પણ શું તમને ખબર છે કે રોડ ટ્રીપ દ્વારા ભારતમાંથી વિદેશમાં પણ રોડ ટ્રીપ લઈ શકાય છે. આજે અમે તમને એવા કેટલાક દેશો વિશે જણાવવા જઈ રહ્યા છીએ જ્યાં રોડ ટ્રિપ લઈને તમે ફરવા લઈ શકો છો.
નેપાળ
રોડ ટ્રીપ કરીને તમે નેપાળ જવા ઈચ્છો છો તો આ માટે કોઈ અલગ લાયસન્સની જરૂર પડતી નથી કોઈ પણ વ્યક્તિ ભારતીય ડ્રાઈવિંગ લાયસન્સ સાથે નેપાળમાં મુસાફરી કરી શકો છો. ખાસ જણાવી દઈએ કે ભારતીયોને નેપાળ જવા માટે વિઝાની જરૂર નથી. દિલ્હીથી નેપાળના રોડ માર્ગેનું અંતર 1079 કિલોમીટર છે. જો તમે રોડ ટ્રિપ દ્વારા ભારતથી નેપાળ જાવ છો તો આ સમય દરમિયાન તમે ઘણો સારો અનુભવ કરશો અને આ રોડ ટ્રીપમાં ઘણા સુંદર નજારા જોવા મળશે.
થાઈલેન્ડ
થાઈલેન્ડ જવાનું વિચારી રહ્યા છો તો ફ્લાઈટને બદલે રોડ ટ્રીપ લઈને ફરવા જવું જોઈએ. થાઈલેન્ડ જવાના રસ્તા પર ઘણા સુંદર બીચ, ચર્ચ અને મંદિરો છે જે જોઈને ઘણી હળવાશ અનુભવશો. આ સાથે જો તમારું બજેટ ઓછું હોય તો પણ તમે થાઈલેન્ડમાં એન્જોય કરી શકો છો જો કે ત્યાં ફરવા જવા માટે વિઝા અને ખાસ પરમિટની જરૂર પડશે. દિલ્હીથી થાઈલેન્ડનું અંતર 4,138 કિમી છે અને ત્યાં પહોંચવામાં માટે 75 કલાકનો સમય લાગશે.
ભૂટાન
નેપાળની જેમ ભુટાનમાં સરળતાથી કોઈ પણ ભારતીય એન્ટ્રી કરી શકે છે. જો તમે રોડ ટ્રીપ દ્વારા ભારતથી ભૂટાન જઈ રહ્યા છો તો ત્યાં જવા માટે કોઈ પાસપોર્ટ કે વિઝાની જરૂર નથી પડતી. જો તમે રોડ ટ્રીપ દ્વારા ભારતથી ભૂટાન જવા માંગતા હોવ તો એક વાતનું ધ્યાન રાખો કે ભૂટાનની સરહદમાં પ્રવેશતા પહેલા તમારા વાહનનો નંબર રજીસ્ટર ક્રવાવવું જરૂરી છે. જણાવી દઈએ કે દિલ્હીથી ભૂટાનનું સડક માર્ગેનું અંતર 1,915 કિમી છે અને અહીં પહોંચવામાં તમને 37 કલાકનો સમય લાગશે.
બાંગ્લાદેશ
બાંગ્લાદેશ ભારતનો પડોશી દેશ છે અને ત્યાં જવા માટે ક્યારેય પણ પ્લાન બનાવી શકો છો. બાંગ્લાદેશ સૌથી સરળ ઈન્ટરનેશનલ ટ્રીપ પણ છે અને ત્યાં પંહોચવા માટે સૌથી સુરક્ષિત રસ્તો ઢાકા-ચિટાગોંગ હાઈવે છે. જો કે ત્યાં ફરવા જવા માટે તમારે પાસપોર્ટ લેવો પડશે. જણાવી દઈએ કે દિલ્હીથી બાંગ્લાદેશનું રોડ માર્ગેનું અંતર 1,799 કિમી છે અને અહીં પહોંચવામાં તમને 32 કલાકનો સમય લાગશે.
મલેશિયા
મલેશિયામાં પણ સહેલાઈથી ભારતથી રોડ ટ્રીપ કરી શકો છો. ત્યાં પહોંચવા માટે બે દેશો મ્યાનમાર અને થાઈલેન્ડમાંથી પસાર થઈને જવું પડશે અને સરળ મુસાફરી માટે પાસપોર્ટ, ડ્રાઈવિંગ લાયસન્સ અને વિઝા સાથે રાખવા જરૂરી છે. જણાવી દઈએ કે દિલ્હીથી મલેશિયાનું રોડ માર્ગેનું અંતર 5,536.6 કિમી છે અને અહીં પહોંચવામાં તમને 95 કલાકનો સમય લાગશે.
શ્રીલંકા
રોડ ટ્રીપ દ્વારા શ્રીલંકા જવા માટે પહેલા તમારે ભારતના સાઉઠમાં જવું પડશે અને ત્યાં તમિલનાડુ પહોંચ્યા પછી તુતીકોરિન બંદરથી શ્રીલંકાના કોલંબો બંદર સુધી બોટ લઈને જવું પડે છે. જણાવી દઈએ કે દિલ્હીથી શ્રીલંકાનું રોડ માર્ગેનું અંતર 3,571 કિમી છે અને અહીં પહોંચવામાં તમને 84 કલાકનો સમય લાગશે.
તુર્કી
જો તમને ખરેખર લોંગ ડ્રાઈવ કરવા માંગો છો તો ફરવા જવા માટે તુર્કી બેસ્ટ ઓપ્શન છે. જણાવી દઈએ કે દિલ્હીથી તુર્કીનું રોડ માર્ગેનું અંતર 3,993 કિલોમીટર છે.