નિવેદન / જેટલી ભૂલો આ સિઝનમાં કરી છે એટલી તો આખા કરિઅરમાં નથી કરી, આ અલગ વિરાટ છે: પૂર્વ ભારતીય ક્રિકેટર

• કોહલીના ખરાબ ફોર્મનાં લીધે સહેવાગે આપ્યું નિવેદન 
• આ તે વિરાટ કોહલી નથી જેને આપણે જાણીએ છીએ
• તેણે બધાને નિરાશ કર્યા છે 

સહેવાગે વિરાટની કરી ટીપ્પણી 
ભારતના પૂર્વ બેટ્સમેન વિરેન્દ્ર સેહવાગ માને છે કે વિરાટ કોહલી તેના પૂર્વ ફોર્મમાં નથી જેના માટે તે જાણીતો છે અને આઈપીએલની એક સિઝનમાં તેણે ઘણી બધી ભૂલો કરી હતી જેટલી તેની 14 વર્ષની આંતરરાષ્ટ્રીય કારકિર્દીમાં કરી નથી. છેલ્લા અઢી વર્ષથી સદી ફટકારી ન શકનાર કોહલી તેના સૌથી ખરાબ તબક્કા સામે ઝઝૂમી રહ્યો છે. તેણે આઇપીએલની 16 મેચમાં 22.73ની એવરેજથી 341 રન બનાવ્યા હતા, જેમાં બે અડધી સદીનો પણ સમાવેશ થાય છે.

શું વિરાટની નિષ્ફળતા પાછળ આ કારણ છે? 
સેહવાગે ક્રિકબઝને કહ્યું, "આ તે વિરાટ કોહલી નથી જેને આપણે જાણીએ છીએ. બીજો વિરાટ આ સિઝનમાં રમી રહ્યો છે. તેણે એક સીઝનમાં એટલી બધી ભૂલો કરી હતી જેટલી તેણે આખી કારકિર્દીમાં કરી નથી." તેણે એ પણ કહ્યું હતું કે, ભારતનો નંબર વન બેટ્સમેન વિવિધ રણનીતિઓ અપનાવવાની ચક્કરમાં આઉટ થયો હતો.
તેમણે કહ્યું, "જ્યારે રન નથી બનતા ત્યારે આવું થાય છે. તમે રન બનાવવાની ઘણી રીતો શોધવાનું શરૂ કરો છો અને તમે તે બાબતમાં પોતાની વિકેટ ગુમાવો છો. આ સિઝનમાં કોહલી સાથે પણ આવું જ થયું.

દરેક બોલને ફટકારવાનો પ્રયત્ન કરે છે
બીજી ક્વોલિફાયરમાં કોહલી ફાસ્ટ બોલર પ્રસિધ ક્રિશ્નાના ઓફ સ્ટમ્પમાંથી બહાર ગયેલા બોલ પર બેટ અડાડીને વિકેટની પાછળ કેચ આઉટ થયો. સેહવાગે કહ્યું, "જ્યારે તમારું ફોર્મ ખરાબ હોય છે, ત્યારે તમે દરેક બોલને મારવાનો પ્રયાસ કરો છો. બેટ્સમેનને લાગે છે કે બોલને મારીને આત્મવિશ્વાસ પાછો આવશે."
"વિરાટે ટ્રેન્ટ બોલ્ટની પહેલી ઓવરમાં ઘણા બધા બોલ છોડ્યા હતા, પરંતુ જ્યારે ફોર્મ ખરાબ હોય ત્યારે આવું થાય છે. તમે ઓફ સ્ટમ્પની બહાર જતા બોલને પણ છોડતા નથી. આવી સ્થિતિમાં, જો નસીબ ખરાબ હોય, તો પાછળથી ફસાઈ જવાની સંપૂર્ણ સંભાવના છે. "
સેહવાગે કહ્યું કે કોહલીએ તેના લાખો ચાહકોને નિરાશ કર્યા હતા, જેઓને મોટા મેદાન પર તેના સ્ટાર્સ સારું પ્રદર્શન કરશે તેવી અપેક્ષાઓ હતી .
સેહવાગે કહ્યું: "તેણે બધાને નિરાશ કર્યા. અમે આશા રાખતાં હોઈએ છીએ કે મોટા ખેલાડી મોટી મેચમાં ચાલશે. તેણે પોતાને જ નહીં, પરંતુ તેના અને આરસીબીના લાખો ચાહકોને પણ નિરાશ કર્યા હતા.