IPLIN
 

મહારાષ્ટ્ર / મુખ્યમંત્રી બનતાની સાથે જ ઉદ્ધવ ઠાકરેએ લીધો આ મોટો નિર્ણય

Team VTV 06:35 PM, 29 Nov 19 | Updated: 08:20 PM, 29 Nov 19
Follow us
'Not A Single Tree Will Be Cut' Till Further Notice: CM Uddhav Thackeray

શુક્રવારે પદભાર સંભાળ્યા બાદ મહારાષ્ટ્રના મુખ્યમંત્રી ઉદ્ધવ ઠાકરેએ વિવિધ મંત્રાલયોના સચિવો સાથે બેઠક યોજી હતી. અધિકારીઓ સાથેની બેઠકમાં તેમણે કહ્યું હતું કે જાહેર નાણાંનો બિનજરૂરી બગાડ થાય નહીં તેના માટે સાવધાન રહેવું.

  • ઉદ્ધવ ઠાકરેએ સંભાળ્યો CM પદનો ચાર્જ
  • પત્રકારોને કર્યું સંબોધન 
  • આરેમાં રોકવામાં આવ્યું મેટ્રો શેડનું કામ 

અધિકારીઓ સાથેની બેઠક પૂર્ણ થયાં બાદ ઉદ્ધવ ઠાકરે પ્રેસ કોન્ફરન્સમાં મીડિયાને સંબોધન કર્યું હતું. તેમણે કહ્યું, 'આજે હું તમારી સાથે વાત કરીને ખૂબ જ ખુશ છું, આપણો સંબંધ ઘણો લાંબો છે, જ્યારે શિવસેનાના વડા બાળાસાહેબ ઠાકરે હતા. હું સમજું છું કે હું સીએમ છું જેની કોઈએ અપેક્ષા નહોતી કરી, મારા પરિવારમાં કોઈએ સીધી સરકાર ચલાવી નથી. હું મારા આખા જીવનમાં ફક્ત 2-3 મંત્રાલય ગયો છું.

ઉદ્ધવ ઠાકરેનું નિવેદન 

ઉદ્ધવ ઠાકરેએ કહ્યું કે આટલા વર્ષોમાં પણ મહારાષ્ટ્રની સ્થિતિ એક જેવી જ છે. મારા દાદા કહેતા હતા કે જ્યારે કોઈ પત્રકાર કોઈની ટીકા કરે છે, ત્યારે સંબંધિત વ્યક્તિએ પણ તે બાબતો વિશે વિચારવું જોઇએ. હજી સુધી કોઈએ પૂછ્યું નથી કે પાછલી સરકારે આપેલા વચનો પૂરા થયા છે કે કેમ? તમારે પણ સજાગ રહેવું પડશે.

તમારા સહકારની અપેક્ષા રાખું છું : ઉદ્ધવ ઠાકરે 

મુખ્યમંત્રીએ કહ્યું કે મુંબઈના આરેમાં મેટ્રો શેડનું કામ બંધ કરી દેવામાં આવ્યું છે. જોકે મેટ્રો લાઇન કામ કરવાનું ચાલુ રાખશે. તેમણે કહ્યું કે મેં આરે મેટ્રો કાર શેડ પ્રોજેક્ટનું કામ બંધ કરવાના આદેશો આપ્યા છે. મેટ્રોનું કામ અટકશે નહીં, પણ આરે કોલોનીમાં એક પાન પણ કપાશે નહીં. ઉદ્ધવ ઠાકરેએ એમ પણ કહ્યું હતું કે મુખ્યમંત્રી પદ ધારણ કરવું મારા માટે પણ પડકારજનક હશે, હું તમારા સહકારની આશા રાખું છું.

ઉદ્ધવ બાલા ઠાકરે નામની લાગી નેમ પ્લેટ 

આપને જણાવી દઈએ કે ઉદ્ધવે શુક્રવારે ઔપચારિક રીતે ચાર્જ સંભાળ્યો હતો. તેઓ લગભગ 2 વાગ્યા પછી મંત્રાલયના છઠ્ઠા માળે સ્થિત મુખ્યમંત્રી કાર્યાલય ગયા અને ચાર્જ સંભાળ્યો. ઓફિસની બહાર 'ઉદ્ધવ બાલા સાહેબ ઠાકરે' નામની પ્લેટ લગાવાઈ છે. જ્યારે તેઓ મંત્રાલય પહોંચ્યા ત્યારે તેમણે બિલ્ડિંગમાં છત્રપતિ શિવાજી મહારાજની તસવીર ઉપર પુષ્પાંજલિ આપી. બાન્દ્રામાં ઠાકરે પરિવારના નિવાસસ્થાન, મતોશ્રીથી મંત્રાલય તરફ જતા હતા ત્યારે તેઓ દક્ષિણ મુંબઈના હુતાત્મા ચોકમાં રોકાયા હતા અને શહીદોને શ્રદ્ધાંજલિ આપી હતી.

Maharashtra Political Crisis ઉદ્ધવ ઠાકરે મુખ્યમંત્રી મહારાષ્ટ્ર Uddhav Thackeray આરે કોલોની
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ