વિશ્વ આખામાં કોરોનાનો કહેર ફેલાઈ ચૂક્યો છે ત્યારે એક એવો દાવો કરવામાં આવે છે કે દુનિયાની એક -બે નહીં પણ 40 એવી જગ્યાઓ છે જ્યાં કોરોના પહોંચી શક્યો નથી. આ જગ્યાઓએ કોરોનાનો એક પણ સંક્રમિત કેસ નોંધાયો નથી. અમેરિકાની જોન હોપકિન્સ યુનિર્વસિટીના આંકડા અનુસાર દુનિયાના 180 દેશોમાં કોરોનાનું સંક્રમણ જોવા મળ્યું છે પણ ધરતીની આ 40 જગ્યાઓ હજુ પણ સેફ છે.
વિશ્વ આખાને ભરડામાં લઈ ચૂક્યો છે કોરોના
નથી પહોંચી શક્યો આ 40 જગ્યાઓએ
આ 40 જગ્યાઓએ નથી કોરોનાનો એક પણ કેસ
દુનિયામાં હજુ પણ 40 જગ્યાઓ એવી છે જ્યાં અધિકારીક રીતે કોરોના વાયરસના સંક્રમણનો એક પણ કેસ મળ્યો નથી. આવી જગ્યાઓમાં અનેક દૂરના વિસ્તારો, આઈલેન્ડ અને ગાઢ જંગલોનો સમાવેશ થાય છે.આ જગ્યાઓએ વસ્તી પણ પ્રમાણમાં ઘણી ઓછી રહે છે. થોડી વસ્તી વાળા વિસ્તારોમાં પણ સંક્રમણનો એક પણ કેસ જોવા મળ્યો નથી.
અનેક વિસ્તારોમાં નથી મળ્યો કોરોનાનો કેસ
પ્રશાંત મહાસાગરના દ્વીપ તુવાલીમાં કોરોના વાયરસનો એક પણ કેસ મળ્યો નથી. આ રીતે પૂર્વ સોવિયત રિપબ્લિકન દેશ તુર્કમેનિસ્તાનમાં પણ સંક્રમણનો એક પણ કેસ નોંધાયો નથી. આ રીતે એન્ટાર્કટિકામાં કોરોનાનું કોઈ સંક્રમણ જોવા મળ્યું નથી. આ પ્રદેશમાં માનવ વસ્તી પણ નહીંવત જોવા મળે છે.
તઝાકિસ્તાનમાં પણ કોરોનાનો એક પણ સંક્રમિત કેસ મળ્યો નથી. આ રીતે ટોંગા, વેસ્ટર્ન સહારા અને યમનમાં પણ કોરોના સંક્રમણનો એક પણ કેસ મળ્યો નથી. અધિકૃત રીતે અહીં કોઈ કેસની પુષ્ટિ થઈ નથી.
આ કારણે અહીં નથી પહોંચી શક્યો કોરોના
અનેક વિસ્તારો કે જ્યાં વસ્તી છે ત્યાં પણ કોરોના પહોંચી શક્યો નથી. તેના કારણોમાં જગ્યા, ઓછી વસ્તી અને દુનિયાના વિસ્તારોથી તે દૂર હોવું એ છે. જેમકે તુવાલી દ્વીપની વસ્તી ઓછી છે. આ માટે અહીં સંક્રમણનો એક પણ કેસ જોવા મળ્યો નથી.
કોરોના સંક્રમણથી સુરક્ષિત છે આ વિસ્તારો
સંક્રમણથી સુરક્ષિત અનેક એવા વિસ્તારો છે જે સુદૂર વિસ્તારોના ટૂરિસ્ટ પ્લેસ છે. અનેક દેશોના હવાઈ પ્રતિબંધના કારણે આ વિસ્તારો સુધી ટૂરિસ્ટ પહોંચી શક્યા નહીં. આ કારણે અહીં સુધી સંક્રમણ પહોંચી શક્યું નથી.
એક જગ્યા છે ઉત્તર કોરિયા, અહીં પણ અધિકૃત રીતે કોઈ કેસ મળ્યો નથી, જ્યારે આખી દુનિયાને આ જગ્યા પર શંકા હતી. યમનમાં પણ વાયરસના સંક્રમણનો કોઈ કેસ જોવા મળ્યો નહીં. જો કે આ જગ્યા હજુ પણ સંઘર્ષમાં છે. કહેવાય છે કે અહીં સંક્રમણની તપાસ કરવાનું અને તેને નોંધવાનું સરળ નથી, માટે આ સ્થાન શંકામાં રહે છે.
કેટલાક આફ્રિકન દેશોમાં કોરોના ચેપનો એક પણ કેસ નોંધાયો નથી. પરંતુ આ દેશોમાં પણ વાયરસ ચેપની તપાસની સુવિધા નથી. તેથી, આ દેશો વિશે નિશ્ચિતતા સાથે કહી શકાય નહીં કે તેઓ ચેપથી મુક્ત છે. જોકે મળતી માહિતી મુજબ આ વિસ્તારોમાં ચેપ લાગ્યો નથી. તેવી જ રીતે, વિશ્વમાં આવા 40 જેટલા સ્થળો છે જ્યાં સત્તાવાર રીતે એક પણ કોરોના ચેપ લાગ્યો નથી.