VIDEO: આ વિદેશીએ અમદાવાદના રસ્તા પર કપાવ્યા વાળ 20ને બદલે ચૂકવ્યા રૂ.28000

નૉર્વેને Harald Baldr નામનો એક યુટ્યુબર હાલમાં ભારતમાં છે. Harald ભારતમાં ફરતા ફરતા પોતાનો Vlog (વીડિયો લોગ) બનાવી રહ્યો છે. આવામાં Haraldએ અમદાવાદમાં રસ્તા પર કંઈક એવું કર્યુ કે તમે જાણીને દંગ રહી જશો. Haraldએ અમદાવાદમાં રસ્તા પર વાળંદ પાસે વાળ કપાવ્યાં. એટલું જ નહીં પરંતુ Harald આ નાયીથી એટલો ખુશ થઈ ગયો કે તેણે 28000 રૂપિયા આપ્યા અને તેની સાથે એક સૅલ્ફી પણ ખેંચાવી અને સોશ્યલ મીડિયા પર શૅર પણ કરી. 

નાયીને આપ્યા 400 ડોલર

હકીકતમાં Harald એક વીડિયો બનાવવા માટે અમદાવાદના રસ્તાઓ પર ફરી રહ્યો હતો ત્યારે તેને વાળ કપાવવાનું સૂઝ્યું અને તે રસ્તા પર બેસેલા નાયી પાસે પહોંચી ગયો. નાયીએ Haraldના વાળ કાપ્યા અને વાળ કપાવ્યા બાદ Haraldને લાગ્યું કે પોતાને અંગ્રેજ સમજીને વધારે પૈસા માંગશે. પરંતુ આ વાળંદે માત્ર માંગ્યા 20 રૂપિયા. વાળંદની ઇમાનદારી જોઈને Harald ખુશ થયો અને તેણે 20 રૂપિયા તો આપ્યા પરંતુ ત્યાર બાદ Haraldએ પોતાના ખિસ્સામાંથી 400 ડોલર કાઢ્યા અને વાળંદના હાથમાં થમાવી દીધાં. 

શા માટે આપ્યાં આટલા રૂપિયા?

Haraldએ જણાવ્યું કે આ નાયીને તેણે આટલા પૈસા એટલે આપ્યાં કે જેથી તે પોતાની દુકાન માટે નવો સામાન લઈ શકે. આ વાતથી ખુશ થઈને નાયીએ Haraldને કૉફી પણ પીવડાવી. જો કે આ પહેલી વખત નથી કે આ વિદેશીએ આવી રીતે કોઈને મદદ કરી હોય. Harald યુટ્યુબ ચૅનલથી જે પણ કમાય છે તેને જરૂરતમંદોને આપી દે છે. Haraldએ હાલમાં જ ગુજરાતની એક સરકારી સ્કૂલમાં ફંડ સ્વરૂપે 70000 રૂપિયા આપ્યા હતાં. એટલું જ નહીં તેણે બાળકો સાથે બેસીને મધ્યાહન ભોજન પણ લીધું હતું.